Ali sapichashga yoraga manami tuninchu, chaynomi canga ali tantiaj captiqui.
MOZO-JIPASHCUNAPAJ
9. Tantiaj runano caway
¿CAYGA IMA NINANTAJ?
Jutinchiga manami ninanchu imano runa canchi. Sinoga rurayninchicunawan musyachicunchi imano canchi, imacunaman yaracunchi y geniunchi imano cashgantapis.
¿IMANIRTAJ CHAYTA RURANQUIMAN?
Quiquiquimi tantiarcuptiqui imata ali o mana ali cashganta, yanapäshunqui yachacushgayquino cawanayquipaj, y waquin jovincunapis manami contrulashunquipächu.
Adrian jutiyoj mozo nin: “Waquincunaga manami musyanchu imata jaticunanpaj, juctarämi tapupan ‘cayga alicu caycan jaticunäpaj o manacu’ nir”.
Juc jipash nin: “Sasa captinpis ali cajta ruranäpaj yachacushcä. Amigücuna parlashganta wiyar y ruraynincunata ricarmi cuentata gocö, pïcuna ali amigücuna capäcun”.
BIBLIAGA NIN: “Llutan yarpaycunata y jucha ruraycunata cachaycur yarpachacuy Tayta Diosninchi munashanno cawanayquipaj” (Romanos 12:2, Tayta Diosninchi Isquirbichishan).
¿IMATARAJ RURANQUIMAN?
Gatejnin caj tapucuycuna yanapäshunqui cuentata gocunayquipaj pïmi canan canqui y shamoj tiempucho imata munanqui. Nircur yanapäshunqui imacunacho mejuranayquipaj y tantiaj runano cawanayquipaj. Caycunata tapucuriy:
Imataj yachanqui: “¿Imacunataj yachä rurayta? ¿Imacunacho aruyta gustaman? ¿Geniüta contrulayta puedïchu? ¿Ali aroj, juccunata yanapaj y cumplido cä? ¿Lapantachu ali rurä?”.
CAYTA RURAY: Quiquiqui mana cuentata gocuptiqui yachashgayquita, chaurasga taytayquita o juc amiguyquita niriy tantiachishunayquipaj.
BIBLIAGA NIN: “Kikikikuna imano kawarkaykashqaykitapis shumaq tantiyakäriy” (Gálatas 6:4).
Imacunataj pishiycäshunqui: “¿Imacunachotaj mejuräman? ¿Imataraj ruräman alicunalata ruranäpaj? ¿Imacunachotaj geniüta contruläman?”.
BIBLIAGA NIN: “Mayqantsipis ‘noqaqa jutsaynaqmi kä’ nirqa manami rasun kaqtatsu parlaykantsi, sinöqa lulakuykantsimi” (1 Juan 1:8).
Creenciayquicuna: “¿Dios munashganno cawä? ¿Diosman yaracö? ¿Imalapis cancu Dios cashganta yaracunäpaj? ¿Ima ruraycunata mana alitanomi ricä y imanir? ¿Imataj yarpä shamoj tiempupaj?”.
BIBLIAGA NIN: “Yarpayniyuq karqa manami lutankunata rurankipaqtsu. Tantiyakuq kashqaykimi mana alikunapita tsapäshunkipaq” (Proverbios 2:11).