10 CAJ YACHACUY
¿Imanirtaj Jehovapa testiguncunapa reuniunnincunaman aywanquiman?
¿Pilapis nishushcanquichu Jehovapa testiguncunapa reuniunnincunaman aywanayquipaj? Öraga manchacuypaj canman pilatapis mana reguir maymanpis aywarga. Ichanga cayno tapucunqui: “¿Imanotaj ruracan Testigucunapa reuniunnincuna? ¿Imanirtaj paycunaga mana faltaypa aywapäcun? ¿Nogapis aywämanchuraj?”. Canan yachacunqui imanotaj cay reuniuncuna yanapäshunquiman ali cawacur Diospa amigunman ticranayquipaj.
1. ¿Imanirtaj reuniuncunaman aywashwan?
Bibliata escribej runa unaycho wilacamurgan imanir juntacänapaj cajta, cayno nergan: ‘Juntacashgächomi gamta alabashayqui’ (Salmo 26:12). Canan wichanpis Jehovapa testiguncunaga cada semana juntacärin: Diosta alabanapaj, cantapänapaj y mañacunapäpis. Y wata watami quimsa cuti juntacanchi jatun localcunachopis.
2. ¿Imataraj yachacunqui reuniuncunacho?
Reuniuncunacho Diospa Palabranpitami yachacunqui y leynincunatapis shumajmi tantiacunqui (leiriy Nehemías 8:8). Gampis reuniuncunaman aywaptiquega, Jehová amatar cuyacoj cashganta yachacunqui; chayta rurashpayquega Jehovalata sirviyta munanqui. Nircurpis tantianquipaj Dios munashganno imano cawacunayquipaj (Isaías 48:17, 18).
3. ¿Imanoraj reuniuncho caycaptiqui hermanucuna yanapäshunqui?
Palabrancho Jehová nimashganchino “jucninchi jucninchi yanapänacushun mas cuyanacunanchipag y alita rurananchipag”. Y caytapis nin: “Mana gongaypa shuntacäshun” (Hebreos 10:24, 25, Ambo-Pasco Biblia). Reuniunninchicunachoga ricanqui juc castanola lapanchipis cawacushganchita, jina tarinacunqui Diospita yachacuyta munajcunawan. Ruracämoj discursucunatapis wiyanquimi. Shacyalami ricacunqui Bibliapita yachacurga (leiriy Romanos 1:11, 12). Y tincunquimi valuryoj hermanucunawan, imanotaj paycunaga problemancunata vencipäcushga. Chayno caycaptenga, ¿manacu mayna munanqui reuniunman aywayta, gampis chaycho Jehovata alabanayquipaj?
SHUMAJ YACHACURCUNAPAJ
Yachacushun imanotaj Jehovapa testiguncunapa reuniunnincuna y imanirtaj calpachacushwan shuntacänanchipaj.
4. Jehovapa testiguncunapa reuniunnincuna
Unay cristianucunapis shuntacärejmi Jehovata adurapäcunanpaj. (Romanos 16:3-5). Leipäcuy Colosenses 3:16 y caypita parlapacäriy:
¿Unay cristianucunaga imanotaj Diosta adurapäcoj?
Jehovapa testiguncunapis cadalami congregacärin. ¿Imanotaj reuniunnincuna ruracämun? VIDEUTA ricapäcuy. Reuniunpitapis juc dibujo caycan ricapäcunayquipaj, nircurna caycunapita parlapacäriy.
¿Imataj ruracan Diosta Aduranapaj Wasicho, y cayga imanotaj tincun Colosenses 3:16 nishganwan?
Videucho y dibujucho ricashgayquino, ¿ima ninquitaj reuniunninchicunapita?
Leipäcuy 2 Corintios 9:7 y caycunapita parlapacäriy:
¿Imanirtaj Jehovapa testiguncunaga reuniunnincunacho guellayta mañacunchu?
Bibliapita yachachishojniquiwan ichiclata ricapäriy chay semana reuniuncho imacunapita yachacunayquipaj.
Reuniunpita ichiclata ricapashgayquipita ¿mayganpitataj ‘cayga yanapämangami’ ninquiman?
¿Mayashcanquichu?
Cay jw.org paginachomi tarinqui maycho y imay hora reuniunninchicuna ruracashganta.
Reuniunninchichoga wiyanchi discursucunata, actuaciuncunata y videucunatapis ricanchi. Galaycunapaj y ushanapäpis cantanchi y mañacunchi.
Wiyaycajcunapis maquincunata jogarcurmi parlacäramun.
Lapancunami reuniunninchimanga shacäramun: warmicunapis olgucunapis, edayashga cajcunapis y wamracunapis...
Jehovapa testiguncunapa reuniunnincunaga gratislami, guellaytaga pipis mañacunchu.
5. Reuniuncunaman aywanapäga calpachacunanchirämi
Jesuspa familianga Nazaret marcachomi tiyargan y watan watan Jerusalenman aywapäcoj. Aumi, quimsa junajtaraj chaquilapa aywapäcoj. Leipäcuy Lucas 2:39-42 y caycunapita parlapacäriy:
¿Jerusalencama aywapäcunanpäga facilchuraj cargan?
Gampaj sasa captinpis, ¿imataraj ruranquiman reuniuncunaman aywanayquipaj?
¿Calpachacushgayquega alipächuraj canga? ¿Imanirtaj chayta ninqui?
Diospa Palabran nimanchi mana gongaypa shuntacänapaj, chaychoga Jehovatami aduranchi. Leipäcuy Hebreos 10:24, 25 y caypita parlapacäriy:
¿Imanirtaj mana gongaypa reuniuncunaman aywashwan?
WAQUINCUNA NIPÄCUN: “Imapätaj waquincunawanraj shuntacaycäshun Diosta aduranapaj. Quiquinchipita caycan imano aduranapaj”.
¿Maygan textuchotaj Jehová nimanchi mana gongaypa shuntacänapaj?
ICHIC YACHACUY
Reuniuncunaman aywashpayquega Jehovapitami yachacunqui, paywan amigo canquipaj y waquincunawan shuntacarcurpis Diosta adurapäcunqui.
Yarpänapaj
¿Imanirtaj Jehová nimanchi reuniuncunaman aywanapaj?
¿Imacunataraj yachacunqui Jehovapa testiguncunapa reuniunnincunacho?
¿Imacunacho masraj reuniuncunaga yanapäshunquiman?
MASLATA YACHACUNAYQUIPAJ
¿Manchacunquichu reuniunman aywanayquipaj? Ricäriy imano juc runa reuniunman aywananpaj manchacushganta, canan ichanga cushicunmi.
Ricäriy juc mozo cushicushganta reuniunman aywashganpita, y imatataj rurashga mana faltaypa aywananpaj.
Waquincuna reuniuncunapita ima nipäcushganta leircuy.
“¿Imanirtaj Diosta aduranapaj wasiman aywayga ali caycan?” (jw.org paginapita yachachicuycuna)
Yachacuy imanomi juc pandillero runa cawayninta cambiashga Jehovapa testiguncunapa reuniunnincunaman aywashganpita.
“May chaychopis pistoläwan purej cä” (Wilacamoj, 1 julio quilla, 2014)