Ri xkitzʼibʼaj lo ri Jupuq Ajkʼamal bʼe cho ronojel uwach Ulew

Chke konojel ri kkitzijoj ri uQʼatbʼal tzij ri Dios:

¡Sibʼalaj kojkikotik rumal che pa junamam kqapatanij ri qastzij Dios, Jehová! Ri areʼ oj ukojom che ubʼanik jun chak nim ubʼanik che keʼutoʼ ri winaq pa ronojel ri uwach Ulew rech kekolotajik: utzijoxik ri utzij y kitijoxik ri winaq rech kketaʼmaj ri utz taq jastaq re ri uQʼatbʼal tzij (Mat. 28:19, 20; 1 Cor. 3:9). Rech junam y pa jamaril kqabʼan wajun chak riʼ, rajawaxik che rukʼ cholajil kqabʼano (1 Cor. 14:40).

Wajun wuj riʼ katutoʼ che uchʼobʼik jas kbʼan kimik pa ri congregación cristiana. Xuqujeʼ, kuya ubʼixik ri eqeleʼn y ri rajawaxik kkibʼan chkijujunal ri testigos rech Jehová. We nim kawil wi ri eqeleʼn y kabʼan ri chak che kyaʼ chawe, sibʼalaj katkowir riʼ pa ri akojonik (Hech. 16:4, 5; Gál. 6:5).

Rumal laʼ, kqabʼij chawe che kanikʼoj wajun wuj riʼ y katchoman chrij jas kabʼan che ubʼanik pa ri akʼaslemal ri kawetaʼmaj. Jun kʼutbʼal, we kʼateʼ xatux publicador no bautizado, ¿jas nikʼaj chi jastaq katkunik kabʼano rech kabʼan aqasanjaʼ? Y we abʼanom chi aqasanjaʼ, ¿jas nikʼaj chi jastaq katkunik kabʼano rech katkʼiy más pa ri akojonik y rech kanimarisaj más ri achak che ri Jehová? (1 Tim. 4:15). ¿Jas katkunik kabʼano rech kaya ri atobʼanik rech kʼo jamaril pa ri congregación? (2 Cor. 13:11). Pa wajun wuj riʼ kawetaʼmaj na ri kirespuestas ri preguntas riʼ.

Rumal che kimik e kʼi winaq tajin keʼok pa ri utinamit ri Dios, keʼajwataj más qachalal achijabʼ rech kkikʼam kibʼe ri congregaciones. Rumal laʼ, we at jun qachalal achi, ¿jas rajawaxik kabʼano rech katux tobʼanel y kʼamal bʼe? Wajun wuj riʼ kuya ubʼixik ri rajawaxik kabʼano rech kakoj achuqʼabʼ che uriqik metas pa ri akojonik (1 Tim. 3:1).

Rukʼ ronojel qanimaʼ kqataʼ che ri Jehová che wajun wuj riʼ kixutoʼ che uchʼobʼik jas ri ikʼolbʼal pa ri utinamit ri Dios y che nim kiwil wi. Sibʼalaj kixqaj iwonojel, kqataʼ pa qachʼawem che pa ronojel ri ikʼaslemal rukʼ kikotemal kipatanij ri qaTat che kʼo pa ri kaj, ri Jehová (Sal. 37:10, 11; Is. 65:21-25).