Chike e areʼ xuqujeʼ katkunik kabʼij che katkachilaj

Pa kʼi chike ri congregaciones e kʼo qachalal che qas ta kekun chik kebʼe che utzijoxik ri utzij ri Dios rumal che kiriqom nimaʼq yabʼil o rumal che e rijabʼ chik (2 Cor. 4:16). We pa ri qacongregación e kʼo qachalal che e kʼo pa kʼax junam rukʼ wariʼ, utz kqabʼij chike che kojkachilaj che ukʼutik ri Utzij ri Dios chuwach jun winaq. We ri qachalal kuchʼij taj kel bʼi pa rachoch, utz che kqakʼam bʼi ri winaq rukʼ. Utz che jujun taq mul kqabʼij che jun qachalal che yawabʼ rech kojrachilaj che usolixik jujun taq ja o che usolixik chi jumul jun o kebʼ winaq. Ri e qachalal che e rijabʼ chik e kʼi chike qas ketaʼm ri kbʼan che wajun chak riʼ, rumal laʼ we kojchakun kukʼ kqetaʼmaj kʼi jastaq chikij (Rom. 1:12). Qas qetaʼm che ri Jehová kojutewchij we kqakoj qachuqʼabʼ che kitoʼik ri e qachalal riʼ xuqujeʼ che ukʼutik ri qaloqʼoqʼenik chike (Prov. 19:17; 1 Juan 3:17, 18).