Chqabʼanaʼ sibʼalaj utz che ri qachak: ri kqabʼano chiʼ kojchʼaw rukʼ jun winaq che kchʼaw pa jun chi chʼabʼal

¿Jasche rajawaxik? Jehová kraj che ketoʼ ri winaq rech ronojel ri uwach Ulew rech kketaʼmaj chrij ri Utzij (Hech. 10:34, 35). Ri Jesús xubʼij che ri utz taq tzij kyaʼ ubʼixik pa «ronojel ri uwach ulew». Xuqujeʼ pa «konojel nimaʼq taq tinimit» (Mat. 24:14). Ojer ri Zacarías xubʼij che kʼi winaq rech nikʼaj chik tinamit kkaj kketaʼmaj chrij ri qas Dios (Zac. 8:23). Xuqujeʼ ri apóstol Juan xril pa jun achikʼ, che ri ketastaj kan chuwach ri nimalaj kʼax e winaq rech «ronojel kiwach taq tinimit, amaqʼ, winaqil, chʼabʼal» (Apoc. 7:9, 13, 14). Rumal wariʼ, we kqariq jun winaq pa ri territorio che kchʼaw pa jun chi chʼabʼal, rajawaxik kqakoj qachuqʼabʼ rech kqatzijoj che ri utzij ri Dios.

Ri kqabʼano:

Chqachomaj ri kqabʼano. Chiʼ kojbʼe che utzijoxik ri utzij ri Dios, utz che kqakʼam bʼi ri wuj ubʼiʼ Buenas nuevas para gente de todas las naciones. Chqasikʼij uwach ri pixabʼ che kʼo pa ri prólogo rech ri wuj che kubʼij «Cómo ayudar a quienes hablan un idioma extranjero». Utz xuqujeʼ kqakʼol pa ri qatableta o teléfono jun video o jun wuj che kʼo pa kichʼabʼal ri winaq che weneʼ e keqariq pa ri qaterritorio che qesam pa jw.org. Chqetaʼmaj ubʼixik jujun taq tzij pa kichʼabʼal ri winaq pa JW Language. We pa ri qaterritorio kʼo jun chi congregación che kril ri winaq che kechʼaw pa jun chi chʼabʼal, utz che chiʼ kojbʼe chuchiʼ taq ja xaq xiw kqakʼam bʼi wuj che kʼo pa kichʼabʼal ri winaq che kril ri qacongregación. Are kʼu we kqakoj jun carreta che utzijoxik ri utzij ri Dios utz che kqakʼut ri wuj che kʼo pa kichʼabʼal ri winaq che keqʼax pa ri bʼe.
Are chiʼ kqariq jun winaq che kchʼaw pa jun chi chʼabʼal, utz kqaya ubʼixik «ri nimaʼq taq mayibʼal ri e ubʼanom ri Dios» che pa uchʼabʼal (Hech. 2:11). Xuqujeʼ utz kqabʼij che, che kkunik kuriq más kʼutunem pa uchʼabʼal pa jw.org. We ri winaq kraj kretaʼmaj más, chataʼ ri ubʼiʼ o ri kel wi we kuya. Chqakʼutuʼ chuwach ri winaq ri utzij ri Dios kʼa kopan na jun achalal che kukʼut chuwach pa ri uchʼabʼal.

Chabʼanaʼ waʼ pa jun ikʼ:

Pa ri jun chik qaqʼijilanik pa ri qafamilia utz che kqatijoj qibʼ rech kojtzijon kukʼ ri winaq che kechʼaw pa jun chi chʼabʼal.