QAKʼASLEMAL RI OJ CRISTIANOS
Chqabʼanaʼ sibʼalaj utz che ri qachak: Chatzukuj konojel ri winaq rech ri aterritorio
RI RUMAL CHE RAJAWAXIK: Zacarías xubʼij kanoq che e «juleʼ nimaʼq taq tinimit chik» utz kkil ri utzalaj taq tzij (Zac 8:23). Are kʼu ¿jachin kkʼutuw chkiwach? (Ro 10:13-15). Chqe yaʼom wi ri nimalaj eqelen xuqujeʼ ri chak che kqatzijoj chke konojel ri winaq rech ri qaterritorio ri utzalaj taq tzij (od-S pág. 84 párrs. 10, 11).
RI KQABʼANO:
Chatijoj awibʼ. ¿La ariqom winaq che kechʼaw pa jun chi chʼabʼal? Chakojoʼ ri aplicación JW Language rech kawetaʼmaj jujun taq tzij che kʼax ta ubʼixik. Xuqujeʼ katkunik kakoj ri ateléfono o tableta rech kakʼut chuwach ri winaq ri kubʼan che uriqik más kʼutunem pa ri uchʼabʼal pa jw.org.
Chawilaʼ ri kʼo che anaqaj. We tajin katzijoj ri utzij ri Dios cho taq ja, chatchʼaw kukʼ konojel ri keqʼatanik xuqujeʼ kukʼ ri e kʼo pa ri kichʼichʼ. Are chiʼ katkʼojiʼ pa ri predicación pública, are chatchoman chrij uyaʼik ri utzalaj taq tzij.
Qas chatchakunoq. Makʼistaj akʼuʼx. Chakojoʼ achuqʼabʼ rech keʼariq ri winaq che keʼariq ta pa kachoch. Chakojoʼ achuqʼabʼ rech pa jujun chke ri e ja kattzijon rukʼ jun winaq, weneʼ pa jun chi hora re ri qʼij o jun qʼij chik re ri semana. Weneʼ kukʼ jujun winaq are rajawaxik che kattzijon kukʼ rukʼ cartas, teléfono o pa ri bʼe.
Amaqʼel chatchʼaw rukʼ ri winaq. Chanim chattzalij rukʼ ri winaq che kukʼut che kraj kretaʼmaj más. We ri winaq kchʼaw pa jun chi chʼabʼal, chatzukuj ri utobʼanik jun qachalal che kkun che utoʼik pa ri uchʼabʼal. Are chiʼ majaʼ kariq ri tobʼanik, chatopan rukʼ ri winaq kʼa chi ri e qachalal re ri jun chi chʼabʼal ketzijon rukʼ ri winaq (od-S págs. 93, 94 párrs 39, 40).
CHAWILAʼ RI VIDEO KQAYA UBʼIXIK RI UTZIJ RI DIOS «PA TAQ RI TINIMIT RI SIBʼALAJ NAJ E KʼO WI CHO RONOJEL RI UWACH ULEW» TEKʼURIʼ CHAWILAʼ RI E PREGUNTAS:
¿Jas xkibʼan ri qachalal rech ketzijon kukʼ winaq che sibʼalaj naj e kʼo wi? (1Co 9:22, 23).
¿Jas kʼax xkiriqo?
¿Jas tewchibʼal xkiriqo?
¿Jas kabʼan at rech kattzijon kukʼ más winaq pa ri aterritorio?