Pa junam chqatzijoj ri utzij ri Dios chke ri e winaq re ronojel chʼabʼal

Ri e winaq qastzij wi kkaj kkitatabʼej ri utzalaj taq tzij re ri Ajawbʼal are chiʼ kbʼix chke pa kichʼabʼal. Weneʼ rumal wariʼ, pa ri Pentecostés re ri junabʼ 33, Jehová xubʼano che judíos re «konojel tinamit» xkita ri utz taq tzij pa kichʼabʼal pa neʼ kʼo jun chʼabʼal che kekunik kkichʼobʼ konojel, ri hebreo o griego (Hch 2:5, 8). Kimik, kʼo congregaciones pa jalajoj taq chʼabʼal kkitzijoj ri utzij ri Dios xa pa jun tinamit. ¿Jas rajawaxik kkibʼan ri e publicadores rech ri e congregaciones riʼ rech kkitzijoj ri utzij ri Dios chke ri e winaq rech qas utz ukojik ri kichuqʼabʼ kkibʼano xuqujeʼ kkʼistaj ta kikʼuʼx ri e kʼul ja chke?

• 

  Utz tzijonem (Pr 15:22): Ri ajkʼamal taq bʼe che kkil ri kbʼan che utzijoxik ri utzij ri Dios rajawaxik qas kkichomaj ri kbʼan che wajun chak riʼ rech ktzijox ri tzij chke are chiʼ kekunik kkito. Ri e congregaciones re jun chi chʼabʼal weneʼ kkaj taj kqatzijoj ri utzij ri Dios pa taq ri e ja re ri kiterritorio we nim taj. Are kʼu, we sibʼalaj nim ri territorio xuqujeʼ ksolix ta pa kebʼ oxibʼ tiempo, weneʼ kkibʼij chqe che keqasolij konojel ri e ja xuqujeʼ keqatoʼ ri e winaq che kkaj kketaʼmaj más (od-S pág. 93 párr. 37). O kkitaʼ tobʼanik chqe rech keqatzukuj winaq re jun chik chʼabʼal rech kkikoj ri e direcciones pa kiterritorio (km-S 7/12 pág. 5, recuadro). Chnaʼtaj chqe che, xa pa jun ja, weneʼ ri winaq kechʼaw pa más che jun chʼabʼal. Rajawaxik kesolix ri winaq junam rukʼ ri kubʼij ri qʼatal tzij chrij ri kichajixik ri winaq.

• 

  Toʼik ibʼ (Ef 4:16): Rajawaxik che qas utz ubʼanik kqabʼan che ri pixabʼ kuya ri ajkʼamal bʼe che kilow ri utzijoxik ri utzij ri Dios re jun chi chʼabʼal, chqakojoʼ qachuqʼabʼ rech kqatzijoj ri utzij ri Dios. ¿La tajin kqaya jun etaʼmanik che jun winaq che kchʼaw ta pa ri chʼabʼal re ri congregación? Weneʼ más chanim knimar ri ukojonik we kqabʼano che kyaʼ etaʼmabʼal che rumal jun qachalal re ri congregación o grupo che kchʼaw pa ri uchʼabʼal.

• 

  Chqatijoj qibʼ (Pr 15:28; 16:1): We kariq jun winaq pa ri territorio che kchʼaw pa jun chi chʼabʼal, chakojoʼ achuqʼabʼ rech katzijoj ri utzalaj taq tzij che. Rech kojkunik kqabʼano, chqachomaj jachike chʼabʼal kkoj pa ri qaterritorio xuqujeʼ chqabʼanaʼ descargar ri Biblia xuqujeʼ jujun videos che kʼo pa ri chʼabʼal. Xuqujeʼ kojkunik kqakoj ri aplicación JW Language rech kqetaʼmaj jujun taq tzij pa kʼi taq chʼabʼal.