Alli yarpëkur ruranqanmi, shumaq yarqapun

Maria Isabelqa Chile nacionpa San Bernardo markanchömi Diospita allipa yachatsikun. Pë y familianqa mapuche kastapitam kayan, y parlayanqan mapudungún idiömachö juk congregación kanampaqmi alläpa yanapakuyashqa.

Jesus Wanunqanta Yarpänapaq mapudungún idiömachö celebrayänampaq kaqta y 2.000 invitacionkuna imprimishqa kanqanta musyarirmi, Maria Isabelqa tapukurqan imanö yanapakunampaq kaqta. Yarpärirqanmi wakin joven Testïgokunaqa, profesorninkunata y estudiaq mayinkunata yachatsirnin alli yarqapakuyanqanta. Teytankunawanmi parlarqan, y imata ruranampaq kaqta alli pensëkurmi escuëlachö invitacionkunata qokunampaq decidiyarqan. ¿Imatataq decidiyarqan?

Puntataqa, mañakurqan yëkuyänan portonchö juk invitacionta laqanampaqmi. Escuëchö trabajaqkunaqa manam awniriyarqanllatsu, sinöqa tsëta rurëta munanqampitam felicitäyarqan. Jina directorpis, alumnokunata listata qayanqanchömi parlantewan invitacionpaq willakamurqan.

Jinamampis, llapan salonkunaman yëkunampaq Maria Isabelqa profesorkunata permïsota mañakurirqan. Awniriyaptinmi, estudiaq mayinkunata tapukurqan pillapis mapuche kastapita kayanqanta. Pëmi willakun: “Noqaqa pensarqä tsë escuëlachö mapuche kastapita chunka o chunka pitsqalla kayanqantam, pero más atskaqmi kayänaq. ¡150 invitacionkunatam qokurqä!”.

“MÁS MAYORTAM SHUYARARQAN”

Yëkuyänampaq portonchö invitacionta juk warmi rikärirninmi, tsë invitacionpita pï masta musyatsinampaq kaqta tapukurqan. 10 watayoqllaraq wamraman pushariyaptinmi, kë warmiqa mantsakashqa quedarirqan. “Más mayortam shuyararqan” ninmi Maria Isabel asikurnin. Invitacionta qorirnin y imapaq kanqanta maslla musyaratsirninmi tapurirqan mëchö yachanqanta, tsënöpa pë y teytankuna Diospita yachatsiyänanrëkur watukayänampaq. Pensari, Mapudungún idiömachö yachatsikoq 20 publicadorkunaqa, ¡imanöraq kushikïkuyarqan tsë warmita y 26 mapuche kastapita Jesus Wanunqanta Yarpëman ëwashqakunata rikarnin! Y kananqa tsë grüpoqa jatun congregacionmannam tikrashqa.

Ëka watayoq karnimpis, ¿kë wamra ruranqannö puëdishwantsuraq invitakïta estudiaq y trabajaq mayintsikkunata Jesus Wanunqanta Yarpëman, discursopita yachakunapaq reunionman o jatun asamblëakunamampis? Publicacionnintsikkunachömi mëtsika experienciakunatam tarishun pensëkanqantsikkunachö imanö yanapamänapaq. Jina mana mantsakurnin nuna mayintsikwan parlanapaqmi santo espïritunta Jehoväta mañakunantsik (Luc. 11:13). Imata ruranapaq alli pensashqaqa, hasta noqantsikpis kushishqa y mantsakashqam quedarishun alli yarqapamanqantsikta rikarnin.