¿Punta visïtallachö rikätsikushqankiku Bibliapita imanö estudiana kanqanta?
Wakin nunakunaqa Bibliapita estudiatsinapaq nishqa, manam munayantsu o Iglesiankunachöna estudiëkäyanqantam niyan. Yachayanqanllata estudiatsinapaq kaqta pensarmi, Bibliapita yachakunan alläpa alli y shumaq kanqanta musyayantsu. Tsëmi, estudiätsinëkipaq ninqëkinöqa, ¿imanirtaq punta visïtallachö imanö estudiana kanqanta yacharatsinkitsu? Këman pensarishun: alli cocinëta yachanqantsikta y kutirnin huk plato mikïnin apapunapaq pitapis ninqantsikpa rantinqa, ¿manatsuraq más alli kanman tsë hora ichikllatapis llamiratsinqantsik o yawaratsingantsï? Nuestro Ministerio del Reino de enero 2006 nishqampa 6 kaq päginanchö ninqannömi, huk ishkë minütollachö imanö ruranapaqpis kë hawanchö yachakurishun:
“¿Këchö ninqan imëllapis cumplikärinqatsuraq? [Leiri Isaías 33:24, y shuyäri contestashunëkita.] Tsëta shumaq yachatsikoqta rikäratsishqëki.” Yachatsikun libron qoy, nïkur 36 päginanchö 22 kaq pärrafota rikäratsi. Y päginapa hawanchö këkaq tapukïta leirapï, nïkurna pärrafota leinqëkiyaq respuestanta ashimunampaq niri. Tsëpitana yapë tapuri y contestashunqëkita shumaq wiyari. Wakin textokunata ishkëki leiyë. Yapë kutinëkipaq huk tapukïta haqiri, y imë hora y imë hunaq kutinëkipaq kaqta shumaq patsätsi. ¡Tsënöllam huk estudiota qallarirqunki!