“Tukïläya” nunakunata yachatsishun
1. ¿Imachötaq igualan huk alli yachatsikoq huk carpintërowan?
1 Huk alli carpintëroqa manam tukïläya herramientayoqllatsu, sinöqa alleqmi musyan imachö y imë hora utilizänampaq kaqtapis. Tsënöllam, noqantsik alli yachatsikunapaqpis herramienta cuenta tukï yanapakïkuna kapamantsik. Këman yarpärishun, “tukïläya” nunakunata yachatsinapaqqa tukï yachatsikïyoq follëtokunam kapamantsik (1 Cor. 9:22, NM). Imanö yachatsikunapaqpis 4 kaq päginanchömi tarinki.
2. ¿Imëtaq más alli kanman follëtowan yachatsikunantsik?
2 ¿Imëtaq follëtokunawan yachatsikushwan? Huk alli carpintëroqa, trabäjon wananqanmannömi tukïläya herramientata utilizan. Tsënöllam, tsë killachö huk publicacionkunawan yachatsikuna këkaptimpis, huk follëton haqipïta tïrashwan. Këman pensarishun, tsë killachö Yachatsikun librowan yachatsikuna këkaptimpis, Bibliapita yachakïta mana munaqtanö tarirqa, itsa más alli kanman Yachatsikun librota manaraq apapurnin mëqan follëtowampis yacharatsinqantsik.
3. ¿Imanirtaq precisan Jehová qomanqantsik herramientakunata alleq utilizänantsik?
3 Alli trabajaq nunakunapaqqa Biblia alläpa allim parlan (Pro. 22:29). Y alleqmi musyantsik kanan witsan ‘alli willaqui’ trabäjowanqa imapis mana igualanqanta (Rom. 15:16). Y trabäjontsikpita mana penqapämänapaqqa, alläpam precisan Jehová qomanqantsik herramientakunata alleq utilizänantsik (2 Tim. 2:15).