Kananllapitanam tiempontsikta patsätsinantsik
1. Jesuspa Wanïnin Yarpë witsan imataraq rurashwan, y imatataq kananllapitana ruranantsik?
1 Llapan watakunam Jesuspa Wanïnin Yarpë witsanqa kuyakoq Diosnintsikta más alabanapaq alli tiempo (Sal. 109:30). Noqantsikrëkur Jesus wanunqanta agradecikurmi, llapan puëdenqantsikta rurashwan marzo killachö Diospita más yachatsikunapaq. Tsëmi, kananllapitana tiempontsikta patsätsinantsik (Pro. 21:5).
2. ¿Ima niyarqantaq 2011 wata abril killachö precursor auxiliarkuna más wallka hörakunata rurayänampaq kaqta musyarir? Y qamqa, ¿ima nirqëkitaq?
2 Precursor auxiliar kë. Pasaq wata alläpam kushikurqantsik abril killachö precursor auxiliarkuna más wallka hörata rurayänampaq kaqta musyarir. Tsëpaq parlarmi juk joven kënö nirqan: “Colegiota manaraq usharmi precursor regulartsu kä. Pero abril killachöqa, 30 höra precursor auxiliar këtam mañakushaq 50 höraman chëta tïrar”. Jina junaqnimpi trabajaq juk publicadöram këta nin: “¿Kima chunka hörakuna? ¡Tsëtaqa rurëta puëdëmi!”. Tsëta willakarayämuptinmi puwaq chunkapitapis más watayoq y pasaq watakunachö precursora regular kashqa cristiana këta nirqan: “¡Yapëmi precursora këta munarqä! Jehoväqa musyanmi tsë witsankuna kawënï imëpitapis más alli kanqanta”. Jina tsë killachöqa, precursor auxiliar këta mana puëdeq wakin publicadorkunapis, Diospita más yachatsikuyänampaqmi churapakäyarqan.
3. ¿Imataq yanapamäshun marzo, abril y mayo killakunachö precursor auxiliar kanapaq?
3 Marzoqa alli killam kanqa precursor auxiliar kanapaq, yapëmi akrëta puëdeshun 30 o 50 hörata ruranapaq. Jina sábado 17 de marzom invitakur qallëkushun 5 de abril Jesuspa Wanïnin Yarpë junaqpaq. Marzo killachö precursor auxiliar karïkur, 50 hörawanna abril y mayo killachö atskaq precursor auxiliar kayänantam shuyarantsik.
4. ¿Imatataq rurashwan Diospita más yachatsikunapaq? ¿Imataraq lograshun tsëta rurarqa?
4 Allim kanman Familiachö Diosta Adorayänëki Hora Jesuspa Wanïnin Yarpë witsan Diospita más yachatsikuyänëkipaq parlariyanqëkiqa (Pro. 15:22). Llapan patsätsiyanqëkita Jehová bendecimunampaq mañakï (1 Juan 3:22). Jina manam qonqanëkitsu Diospita yachatsikurnin Jehoväta más alabanëkipaq y más kushishqa kanëkipaq kaqta (2 Cor. 9:6).