Agostu killaqa juk precisaq rurëmi kanqa

1. Diospa Gobiernun patsakanqan pachak watatana cumplinampaq ichikllana pishikaptin, ¿ima precisaq rurëtaq entëru Patsachö kanqa?

¹ Diospa Gobiernun patsakanqan pachak watata cumplirinampaqqa ichikllanam pishin, ¡tsëmi alläpa precisan Jehoväta alabanantsik juk precisaq rurëta rurarnin! Agostu killachömi entëru Patsachö juk mushoq tratäduwan yachatsikushun, tïtulunqa ¿Mëchötaq tarishwan precisaq tapukïkunapa respuestanta? ninmi. Kë tratäduqa leyeqkunatam animanqa tapukïninkunapa respuestanta Bibliachö ashiyänampaq y Internetchö jw.org nishqan pägina imanö yanapanampaq kaqtapis musyaratsinqam.

2. ¿Imanötaq yanapakushwan agostu killachö ‘Jehoväta alabar kushikïpita sinchipa qayarinapaq’?

² Kushikïpitam sinchipa qayariyarqan. Bautisakushqa publicadorkuna mas yachatsikuyänampaq yanapananrëkurmi, patsätsiyämushqa puëdeq kaqkuna agostu killachö 30 höras yachatsikurnin precursor auxiliarnö yanapakuyänampaq. Mëqanllapis Bibliata estudiëkätsinqëki o mëqan wamrëkipis publicador këtana puëdiptinqa, congregacionnikichö anciänupura rurayänanta rikaqwan parlari. ¡Tsë killachö publicador tikrayanqanqa pëkunata alläpachi kushitsinqa! Watachö ëka hörata yachatsikuyänampaq kaqta cumplirirmi, mëtsikaq precursor regularkuna agostu killachö jamayan, peru itsa tiempunkunata alleq patsätsiyanman tsë precisaq rurëchö mas yanapakuyänampaq. Familiakunaqa kanampita patsënam alistakuyänan agostu killachö imanö yanapakuyänampaq kaqta, tsënöpa ‘Jehoväta alabar kushikïpita sinchipa qayariyänampaq’ (Esd. 3:11; Prov. 15:22).

3. ¿Imanö kanantataq shuyarantsik kë precisaq rurëpita?

³ Pasaq watakunachö tsënö rurëkunachö yanapakushqa karpis, kë precisaq rurë mana qonqëpaq kanantam shuyarantsik. ¿Agostu killachö mas hörakunatsuraq yachatsikushun y mas publicadorkuna y precursor auxiliarkunatsuraq kayanqa? 2014 sirwina wata ushanqanmannö, ¡mana imëpis ruranqantsiknö agostu killa entëru Patsachö tsë precisaq rurëchö kallpachakunqantsikta, Jehovä bendicïkutsun! (Mat. 24:14.)