Shonqupita patsë Jesuspita rasumpa kaqta yachatsikushun

Jesuspita rasumpa kaqta wakinkunata entienditsita yachanqantsikmi shonqupita patsë mas ruranapaq yanapamäshun. Mayestra rumi cuentam Jesusqa markäkïnintsikta sinchiyätsinapaq yanapamantsik (Efes. 2:20, NTCN). Mana pëwanqa manam imëyaqpis kawanapaq shuyäkïnintsik kanmantsu (Hëch. 4:12). Tsëmi, Jehoväpa munënin cumplikänampaq Jesus yanapakunqanta valoranantsik. Jesuspita mana alli yachatsikïkunawanmi mëtsikaq nunakuna pantashqa këkäyan, y llakikïpaqqa Jesusman markäkoqkunata Jehovä äninqan bendicionninkunatam chaskita itsa puëdiyanqatsu. Shonqupita patsë rasumpa kaqta kuyanqantsikmi yanapamäshun Jesuspita rasumpa kaqta, Dioswan amïgu këta y Jehoväpa munënin cumplikänampaq Jesus imanö yanapakunqanta nunakunata yachatsinapaq. Tsëqa, ¿manaku Jesuspita rasumpa kaq willakïkunata Jesus Wanunqanta Yarpë witsankuna mas yachatsikushwan?