Maltratashqa warmikunapaq
“ENTËRU Patsachömi mëtsika millon warmikunata y wamrakunata abusayashqa. Capazchi qamtapis abusayäshurqunki. Këchömi yachakunki Diosnintsik següru sientikunëkita munanqanta y warmikunata abusayanqanta ushakätsinampaq kaqta”.
Tsënömi nin “¿Imatataq rurashwan warmikuna següru sientikuyänampaq? ¿Ima nintan Bibliachö?” neq yachatsikuypa qallananchö, tsë yachatsikuytaqa tarinki jw.org päginachömi y ushananchönam tarinki “Këchö willakunqanta impriminëkipaq descarguë” neqta. Tsëman lapirirmi impriminëkipaq PDF-chö descarguëta puëdinki y imprimirirnam doblëta puëdinki. Estädus Unïduspita Stacy jutiyoq panim kënö nin: “Juk ishkëta imprimirirmi, maltratashqa warmikunata cuidayanqan wayiman juk nanawan apayarqä, tsë wayiqa congregacionnïkunapa amänunllachömi karqan”.
Tsëchö trabajaq warmim mas copiakunata mañakurqan tsëchö täkoq warmikunata entreganampaq. Tsëmi 40 copiakunata y jw.org päginaman yëkuyänampaq 30 tarjëtakunata entregayarqan. Y juk kutichönam, maltratashqa warmikunata cuidayanqanchö encargäda warmi nirqan, Bibliapita imanö yachatsikunqantsikta warmikunata entienditsiyänampaq.
Stacyqa ishkë panikunawanmi, maltratashqa warmikunata cuidayanqan juk wayimampis ëwayarqan. Tsëchöpis shumaqmi chaskiyarqan, pitsqa copiakunatam dejapuyarqan y mastaran mañakuyarqan. Tsëchö trabajaq warmim kënö nirqan: “Kë follëtuqa këchö warmikunata allim yanapanqa. ¡Këtam wanëkäyarqä!”. Yapë kutiyanqanchönam atskaq warmikuna juntakäyarqan Bibliapita imanö yachatsikuyanqanta rikäyänampaq, y ishkë warmikunam niyarqan tsë semäna ushë reunionman ëwëta munayanqanta.
Stacym kënö nin: “Kë yachatsikuytaqa allim chaskikuyarqan. Imprimiskir doblarishqaqa juk follëtunömi tikrarin y allipam yanapakun maltratashqa warmikunata Diosnintsikpa Gobiernumpita yachatsinantsikpaq. Alläpam kushikuyarqä shumaq wiyakuyanqanta rikarnin. Maltratashqa warmikunata yachatsir sïguiyänäpaq kallpachakuyaptïqa, Jehoväqa bendiciyämanqam”.