Qampaqqa, ¿imatan Biblia?
Capazchi ninkiman...
... nunakunapa pensënin librullam.
... cuentukunata willakoq librum.
... Diospa Palabranmi.
BIBLIACHÖ YACHATSIKUNQAN
“Llapan qellqarëkaqmi Teyta Diospita shamun” (2 Timoteu 3:16).
¿IMANÖTAN TSËTA MUSYANQANTSIK YANAPAMANTSIK?
Imëka tapukuykunapa respuestantam musyashun (Proverbius 2:1-5).
Alli kawakunapaqmi yanapamäshun (Salmus 119:105).
Shamoq tiempuchö alli kawanapaq kaqtam shuyaräshun (Romänus 15:4).
¿IMANIRTAN BIBLIA NINQANMAN CREISHWAN?
Këkunarëkurmi:
Manam contranakuntsu. Bibliataqa mil seiscientus watataraqmi cuarenta nunakuna qellqar ushayarqan. Llapan qellqaqkunaqa manam reqinakuyarqantsu, tsënö kaptimpis Bibliachöqa juk yachatsikuyllapaqmi parlan, y manam contranakuntsu.
Llapan pasakunqantam willakun. Unë pasanqanta willakoqkunaqa manam willakuyantsu markankunata jukkuna ushakätsiyanqanta. Peru Bibliata qellqaqkunaqa, jutsata rurayanqanta y markanchö kaqkuna mana allita rurayanqantapis qellqayarqanmi (2 Crönicas 36:15, 16; Salmus 51:1-4).
Qellqarëkanqannöllam cumplikan. Bibliachöqa willakurqannam, doscientus watakuna pishikaptin unë Babilonia marka ushakänampaq kaqta (Isaïas 13:17-22). Y manam imanö ushakänampaq kaqllatatsu, sinöqa pï ushakätsinampaq kaqtapis willakurqanmi (Isaïas 45:1-3).
Imëkapaq llapan willakunqankunam cumplikashqa. Awmi, Bibliachö qellqarëkaqkuna cumplikänantam shuyarantsik (2 Pëdru 1:21).
KËNÖ PENSË
¿Imanötan Diospa Palabran yanapamanman?
Respuestantaqa tarinki kë textukunachömi ISAÏAS 48:17, 18 y 2 TIMOTEU 3:16, 17.