BIBLIAPITA TAPUKÏKUNA
¿Imapaqtaq Cristu kutimunqa?
33 wata ciëluman manaraq ëwakurmi, Jesucristuqa kutimunampaq kaqta awnikurqan. Pëqa nirqan reqishqa nunapa tsurin cuenta karu markata ëwakunqampita atska watata mandakoq kanampaq poderyoq kutimunqantam. Tsëmi Cristu kutimunqa llapan nunakunata alli gobernanampaq. (Leyi Lücas 19:11, 12.)
Jesusqa nunakunata alli gobernanampaqmi awnikun
¿Imanötaq Cristu kutimunqa? Pëqa espïritunömi kawarimurqan (1 Pëdru 3:18). Ciëluta kutikurmi Jehoväpa derëchu kaq lädunman tärirqan (Salmu 110:1). Tiempuwannam ‘Mana Yupëpaq kawaq Awkin’ Jehovä kaqman yëkurqan, pëmi llapan nunakunata gobernanampaq autoridänin qorqan. Jesusqa manam nunanötsu kutimunqa, sinöqa mana rikakoq reynömi. (Leyi Daniel 7:13, 14.)
¿Imataraq Jesus ruranqa kutimurnin?
Mana rikakoq angelninkunawanmi llapan nunakunata juzganampaq Jesusqa kutimunqa. Mana alli kaqkunataqa ushakätsinqam, peru autoridäninman qaqaqkunataqa imëyaqpis kawakïtam qonqa. (Leyi Mateu 25:31-33; Salmu 37:9-11.)
Juk shumaq paraïsuman Patsata tikraratsirmi, tsëchö shumaq kawakuyänampaq wanushqakunata kawaritsimunqa. (Leyi Lücas 23:42, 43.)