BIBLIAPITA TAPUKÏKUNA
¿Imataraq Jesus ruranqa shamoq tiempuchö?
33 watachömi Jesusqa wanurqan, kawarimurqan y ciëluta ëwakurqan. Tsëpita atska tiempu pasariptinmi, rey kanampaq teytan churarqan (Daniel 7:13, 14). Ichikllachönam alli kawakïta kë Patsaman apamunqa, y waktsa këtam ushakätsinqa. (Leyi Salmu 72:7, 8, 13.)
Jesus mandakamunqa witsanqa, mana alli rurëkuna ushakanqam
Kë patsaman Jesus gobernamurninqa alläpa shumaq cösaskunatam ruramunqa. Teytan poderta qonqanwanmi nunakunata (runakunata) jutsannaqtana tikraratsinqa. Y llapan nunakunam kë Patsachö alli kawakï kanqampita alläpa kushikuyanqa y mananam awkinyë ni wanïpis (wanuypis) kanqanatsu. (Leyi Juan 5:26-29 y 1 Corintius 15:25, 26.)
¿Imatataq kanan witsan Jesus rurëkan?
Qateqninkuna yachatsikuyanqantam yanapëkan. Qateqninkunaqa Diospa Gobiernumpitam Bibliawan yachatsikïkäyan. Jesusqa nirqan kë patsachö llapan gobiernukunata ushakäratsir Diospa Gobiernun mandakur qallanqan witsanyaq qateqninkunata yanapëkänampaq kaqtam. (Leyi Mateu 24:14 y 28:19, 20.)
Jesusqa markanwanmi nunakunata yachëkätsin alli kawakïta. Y tsënöllam rurar sïguinqa kë mundupa ushakënin witsankunachö y Dios awnikunqan shumaq Patsa chämunqan tiempukunayaq. (Leyi 2 Pëdru 3:7, 13 y Apocalipsis 7:17.)