Willapäkunantsik höraqa ama tiempota perdishuntsu
1 Rasumpaqa atskaran rurëpaq kan, y manam tiempo kannatsu (Juan 4:35; 1 Cor. 7:29). Alli arreglokunata y horariota rurarqa, willapäkunapaq rakenqantsik tiempota manam perditsishuntsu.
2 Yarqunëkipaq alistakï: Willapäkïpaq reunionman manaraq ewarmi, wananqëki publicacionkunata alistanëki y alleq yachakunëki willapäkunëkipaq. Willapäkunapaq reunión oracionwan ushariptinllam territorioman ewanëki. Tsënöpam, qam y yanaqikikunapis tiempota perdiyankitsu.
3 Willapäkunapaq reunionta dirigeq karqa, höranchomi qallanëki y manam diez a quince minutopita mastaqa parlanëkitsu. Yarquyänampaq manaraq nirmi, alleq rikänëki piwan ewayänanta y mëpa ewayänantapis.
4 Willapäkïcho këkar: Willapäkïpaq reunión ushariptenqa ama ardëpaqa shäkïtsu; tsëpa rantenqa raslla yarqï willapäkïman. Y manaraq ushaptin ewkunëkita musyarqa, dirigeq wawqita willë. Atskaq ewarqa, wakin wawqi panikunaman yarpakachë, itsa parlar ushanëkita shuyarëkäyäshunki. Mana shuyarämänantsikpaqqa, allichi arreglokunata rurashwan wiyakïta munaqkunaman yapëchöna kutinapaq, y pleitokïta munaqkunapitaqa shumaqllapam despedikunantsik (Mat. 10:11).
5 Huk territoriochö wiyakïta munaqkuna atska kaptenqa, allichi tsë ëwarllana llapanman chärinkiman manaraq huk lädopa ëwar. Höraqa allim telëfonopa qayakurishwan manaraq ëwar, wayinchö kayanqanta o mana kayanqantapis musyanapaq (Pro. 21:5). Wiyakï munaqkunachö demorayaptikeqa, wakinkuna willapäkurëkäyanmanmi o wiyakï munaqkunatapis visitarëkäyanmanmi.
6 Espiritual ëllupaki o qoripakï witsanchömi kawantsik (Mat. 9:37, 38). Ichikllanam pishin willapäki usharinampaq. Tsëmi willapäkïcho këkarqa tiempota perditsishwantsu.