Agradecimientowan yarpäshun Jesuspa Wanïninta
1, 2. ¿Imakunarëkurtaq Jesuspa Wanïninta yarpänantsik agradecikïwan?
1 Jesus mandakonqanta wiyakurmi, cristianokuna ëllukäshun o qorikäshun Jesuspa wanïninta yarpänapaq sábado 22 de marzo de 2008 Inti o Rupay heqarkuptin (Luc. 22:19; 1 Cor. 11:23-26). Jesus wanonqanqa 1.975 watanam, y wanïninta yarparqa, noqantsikpaqrekur ruranqantam agradecikïkantsik. Qeruchö wanutsiyänampaq tukïta rurëkäyaptimpis, Jesusqa Jehovallapaqmi këkänaq, tsënöpam Teytampa shutinta allichö horqarqan y Satanás ulikoq o llullakoq kanqanta rikätsikorqan (Job 1:11; Pro. 27:11).
2 Hinamampis wanonqampita patsam, mushoq contrato rurakashqa hutsasapa nunakuna Diospa wambran këman chäyänampaq, tsënöpa ciëlochö Cristuwan gobernayänampaq (Jer. 31:31-34; Mar. 14:24). Kuyashqa wambrampa wanïninmi rikätsikorqan Jehová nunakunata alläpa kuyanqanta, Jesus Nicodemota nenqannöpis (Juan 3:16).
3. ¿Imachöraq nunakunata yanapanqa Jesuspa Wanïnin Yarpë reunión?
3 Shayämunampaq invitakushun: Enero killa Reinopita Willapäkunapaqmi, nimarqontsik huk listata ruranapaq Jesuspa Wanïnin Yarpëman invitakunapaq. ¿Invitakur qallarquntsiknaku? Hina musyantsikmi 1 de marzo killapita patsë llapan nunakunata invitakunatapis. ¿Yarqunapaq alistapakurerqontsiknaku? Yarpänantsikmi, tsë yachakuyanqanqa fëninkunatam sinchiyätsenqa Jesuspa Wanïninman, y yanapanqam mana wanushpa kawëta tariyänampaq (Rom. 10:17).
4. ¿Imanir-raq Jesuspa Wanïnin Yarpë reunionman temprano chashwan?
4 Jesuspa Wanïnin Yarpë reunionmanqa temprano chëtam tïrashwan, tsënöpa chämoqkunata shumaqpa chaskinapaq. Tsë reunionman atskaq shayämuptinmi mäkoq mäkoq kanantsik mushoqkunata chaskinapaq, hina, manam qonqanantsiktsu reunionkunaman höralla shamoqkunatapis.
5. ¿Imataraq rurashun Jesuspa Wanïnin Yarpëta shuyaränapaq?
5 ¿Imataraq rurashun? Huk shumaq programam qallan 17 de marzo killapita patsë Bibliata leinapaq folleto Examinando las Escrituras diariamente de 2008 nishqanchö y, Calendario de los testigos de Jehová de 2008 nishqanchöpis. Kë leinqantsikmi yanapamäshun Jesus wanunampaq këkarnin kawënin imanö kanqanta musyanapaq. Oracionta rurarïkur leinqantsikkunaman yarpakachëmi, yanapamäshun tsë reunionta shuyaränapaq, tsënöpa alläpa agradecikunapaq Jehová y Tsurin kuyamarnintsik rurayanqanta (Esd. 7:10; Sal. 143:5).
6. ¿Imapaqraq yanapamäshun Jesuspa Wanïninta Yarpë?
6 Jesuspa Wanïnin Yarpë këllachöna kaptinmi, llapantsik ewanapaq listo këta munantsik. Hina wakinkunatapis yanapëtam munantsik shayämunampaq. Jesuspa wanïninta agradecimientowan yarparqa, masmi Jehovaman y Tsurinman kuyashpa witishun (2 Cor. 5:14, 15). Inamampis nuna mayintsiktam kuyashun, Jehová y Jesus noqantsikta kuyamanqantsiknö (1 Juan 4:11).