¿Imanötaq utilizashwan Sírvase visitar (S-43) nishqan formulariota?
Tsë formulariomanqa qellqantsik Bibliapita yachakïta munaq nuna huk congregacionpa territorionchö yachaptin o huk idiömata parlaptinmi. Unëqa utilizarqantsik llapan huk idioma parlaq nunakunapaqmi, Bibliapita yachakïta mana munëkäyaptimpis, pero kananqa yachakïta munaq nunakunallapaqmi utilizäshun. Mana wiyaq y mana parlaq nunakunata tarirmi sïqa, yachakïta o mana yachakïta munayaptimpis utiliceta puëdentsik tsë S-43 nishqan formulariota.
¿Imatataq ruranantsik tsë formularioman qellqarirninqa? Congregacionpa secretariontam qonantsik. Mëqan congregacionman mandanampaq kaqta musyarninqa, pënam tsë congregacionchö anciänokunaman apatsinqa tsë yachakï munaqta yanapariyänampaq. Pero mëqan congregacionman apatsinampaq kaqta mana musyarninqa, sucursal wayimanmi tsë formulariota apatsinan.
Huk idioma parlaq nuna yachakïta munaptin y territoriontsikchö yachaptinqa, yachakïta munënin mana ushakänampaqmi watukarëkashwan hasta tsë idiömanchö yachatsikoq congregacionpita huk publicador ëwanqanyaq (rikäri noviembre 2009 kaq Diospita yachatsikunapaq nishqampa 4 kaq päginanta).