Yachakï munaqkunata ras yanapashun

Internet päginantsikchö imëka cambiukuna kanqampita patsëmi, Bibliapita yachakuyänampaq mañakuyanqan alläpa mirashqa, y cällikunachö yachatsikunapaq mushoq yachatsikïkunapis yanapakushqam. sucursalchömi tsë mañakïkunata raslla atiendiyan. Tsëmi jw.org nishqan päginapa chaskirninqa, sucursalqa juk ishkë junaqkunallachömi, estudiuta mañakoqpa amänunchö këkaq congregacionpa anciänunkunata musyaratsin. Peru willakayämushqam hörataqa Bibliata estudiëta munaqkunata juk Testïgu watukanampaqqa atska semänakunaraq pasanqanta. ¿Imanötaq ras yanapashwan yachakï munaqkunata? (Mar. 4:14, 15.)

Yachakïta munaq nuna congregacionnikipa territoriunchö mana täraptinqa, Sírvase visitar (S-43) formulariuman qellqari y congregacionpa secretariunta qateqnin reunionchö entregari. Pënam, manaraq ishkë junaqpis pasaptin, yachakïta munaqpa amänunchö këkaq congregacionman o sucursalman apatsinqa jw.org päginantsikchö Congregación neq kicharir tsëman qellqarir. Anciänukunaqa imëpis yëkïkäyänanmi Internetchö päginantsikman. Juk nuna Bibliapita yachakïta munanqanta willariyäshuptikiqa, rasllam atiendiyänëki. Watukanampaq carguta chaskeq publicadorqa rasllam watukanan, y wayinchö mana tarirqa, mëchö täranqanta y telëfonumpa nümerunta juk papelchö qellqarir jaqirinman.