Alli yachatsikoq kë: yachatseq kutinantsikpaq juk tapukïta jaqishun

¿Imanirtaq alläpa precisan? Yachakï munaqkunata tarirqa, Diospita rasumpa kaqta mas yachatsinantsikpaqmi wayinkunachö kayanqan höra kutita munantsik (1 Cor. 3:6). Tsëpaqqa, manaraq ëwakurmi imë kutinapaq kaqta tapurishwan. Jina allim kanman juk tapukïta jaqinantsik yapëchö kutir tsëpita yacharatsinantsikpaq, tsënöpam puntallapitana tsë tapukïman pensëkanqa. Jaqinqantsik publicacionchö tsë tapukï kaptinqa, itsa leyirinqa. Yachatseq kutinantsikpaq juk tapukïta jaqinqantsikqa yanapamäshun mas fäcil-lla yachatsinapaqmi, porqui imapita yachatsinapaq kaqta musyanqanam. Yapë kutirninnam, jaqinqantsik tapukïta contestanapaq kutikanqantsikta nirishwan y tsëpitam sïguishwan parlaparnin.