“¡Manam imëpis wayinchötsu!”

Yachakïta munaqkunapa wayinkunaman kutirnin mana tarirninqa, itsa imëllapis tsënö nirquntsik. Imëkata rurashqapis höraqa alläpa sasaran (ajaran) kanman muru cuenta rasumpa kaq yachatsikïta parqunanqa (1 Cor. 3:6). ¿Imataraq rurashwan? Wakin yachaq publicadorkunam cartata o papelman ichikllata qellqarir wayinkunapa punkunman jaqiriyan. Wakinnam nunakunata tariyänan sasa kanqanta musyar wayiyoqkunapa celularnimpa nümerunta mañariyan. Kënömi niriyan: “¿Juk mensäjillatapis mandareqmanku?”. Yachatsikurnin cartapa, corrëu electrönikupa, mensäjipa, papelchö ichikllata qellqarir punkunman jaqirir, o celularpa qayarpis revisïtatanömi yupashwan. Tsënöpam, wayinchö mana tarirnimpis rasumpa kaqta yachakunampaq yanapëkashwan.