Tapukïkuna kaq

◼ ¿Internetta utilizashwanku juk nacionchö mana reqinqantsikkunata yachatsinapaq?

Yachatsikïnintsikta michäyanqan o Testïgukuna mana kayanqan nacionchö Bibliapita yachatsiyänanrëkurmi, wakin publicadorkunaqa Internetta utilizäyan. Höraqa tsënö rurayanqan allim yarqushqa. Peru alläpa peligrösum kanman mana reqinakunqantsikkunawan Internetpa qellqanakïqa. (Rikäri 2007 wata juliu killa Reinopita Willapäkunapaq höjapa 3 kaq päginanta, kananqa Diospita Yachatsikunapaq höjam.) Diospa Gobiernumpita yachatsikunantsikrëkur tsëta rurashqapis, höraqa mana alli nunakunawan o Diospa contran tikrashqakunawanmi qellqanakur qallëkushwan (1 Cor. 1:19-25; Col. 2:8). Jinamampis, kë nacionkunachö o markakunachö Diospita yachatsikunqantsik michashqa kaptinqa, itsa mëqan publicacionta apatsinqantsiktaqa autoridäkuna leyiriyanqaraq. Këta ruranqantsikqa tsë nacionchö Testïgukunatam peligruman churarinman. Tsëmi, Internetpaqa juk nacionchö nunakunata ashishwantsu Bibliapita yachatsinantsikpaq.

Juk nacionpita pillapis watukakur shamushqata Bibliapita yachatsirninqa, nacionninman kutishqa këkaptinqa manam kikintsiklla yachatsita tirashwantsu, peru sucursal nimashqaqa rurashwanmi. Y jw.org päginantsikta utilizänampaq yachatsinqantsikqa alläpa allim kanqa, tsënöpa tukï publicacionkunata tarinampaq o nacionninchö sucursalman qellqanampaq. Diospita Yachatsikuyänan Wayi markanchö kaptinqa, tsëman ëwanampaqmi animashwan. Peru Testïgukuna watukayänanta munaptinqa, Persona que mostró interés (S-43) nishqan formulariumanmi qellqarishwan y congregacionpa secretariuntam entregarishwan, pënam jw.org päginata utilizar Betelman aparatsinqa. Yachakïta munaq nunapa nacionninchö sucursalmi musyanqa tsë nunata imanö mas alli yanapariyänampaq kaqta, y yachatsikï tsë markachö imanö kanqanta. (Rikäri Diospita Yachatsikunapaq höjapa 2014 wata juniu killa 7 kaq päginanta, y 2011 wata noviembri killa 2 kaq päginanta.)

Watukëkanqantsik nuna juk nacionta ëwakuptin o estudiu Biblicuta diriginqantsik nuna juk nacionchö täraptin o Internetllapa reqishqa kashqaqa, punta pärrafuchö yachakurinqantsiktam ruranantsik. Awmi, nunapa yachakï munënin mana ushakänampaqqa yachëkätsishwanllaran pillapis tsë markampita watukanqanyaq. Tsënö kaptimpis, yachatsinqantsik nunapa nacionninchö yachatsikïnintsik michashqa kaptinqa, manam llutaqa Bibliapita yachatsikoq cartakunata ni telëfunupa Bibliapita parlapashwantsu ni mensäjikunata qellqashwantsu (Mat. 10:16).