Alli yachatsikoq kë: parlapänëkita mana munarnin imatapis nishuptiki yachëpa contestë

Imanirtaq alläpa precisan. Musyankiman ima desgraciapis pasakunampaq kaqta y mana willakuptikiqa nunakuna wanuyänampaq kaqta. Tsëna vecïnïki (vecïnuyki) willaqnin ëwankiman, peru pëqa manaraqpis willaptiki, “ocupädum këkä” nishunkiman. ¿Manaraq willartsuraq ëwakunkiman? ¡Manachi! Jina tsënömi, precisaq willakïta apëkanqantsikta mana musyar, mëtsikaq nunakuna wiyëta munayantsu. Itsachi imapaqpis yarpachakur këkäyan (Mat. 24:​37-​39). O noqantsikpaq mana allikunata willayanqanrëkur chaskimënintsikta munayantsu (Mat. 11:​18, 19). O itsa mana alli religionkunanölla mana allita ruraq kanqantsikta pensayan (2 Pëd. 2:​1, 2). Qallananllachö wiyëta mana munayaptimpis manam jaqirishwantsu.