¿Imanutaq ayllukuna kusa shumaq kawsanman?

BIBLYA KAYNU NIMANCHIK

“¡Kusa shumaqqa kanqallapa, Dyus rimashanta uyakur, kasuqkunala!” ima (Lucas 11:28, Mushuq Testamento).

BIBLYA NISHANQA ¿IMANUTAQ YANAPAMANCHIK?

Yanapamanchik ayllunchikwan kusalata munanakunapaq (Efesios 5:28, 29).

Rispitanakunapaq (Efesios 5:33).

Ayllunchikwan allinla kawsanapaq ima (Marcos 10:6-9).

¿IMAPAQNA BIBLYAPI KRIYIYPAQ?

Kaykunarayku:

• Nawpaqpiqa, Dyus ayllukunata rurashanrayku. Biblyapi nin: ‘Dyusmi tukuylata ruramashanchikllapa’ (Efesios 3:14, 15). Chayrayku niyanchik Dyus ayllukunata ruraran. ¿Imapaqna kayta yaĉaypaq?

  Kaypi yarpukuy: ¿Rikashaykichu uk nasquy pulluta manaqachu uk nasquy punchuta? ¿Pitataq tapukunkiman chaynu ruranaykipaq? Chay rurashanta, ¿manchu?

  Chaynullapis aylluykiwan kusa shumaq kawsanaykipaq ayllukunata rurashanta tapukuy: ¡Jyubá Dyusninchikta! (Génesis 2:18-24).

• Ukpis, Dyus llakipamashanchikrayku. Biblyapi nin: ‘Taytay Dyusmi llakipamayanchik’ (1 Pedro 5:6, 7). Chayrayku allin yaĉachikuykunata Biblyamanta yaĉakurqa, qam aylluykiwan ima shumaqlata kawsankillapa (Proverbios 3:5, 6; Isaías 48:17, 18).