¿Wanushakuna kawsamunqachu?

BIBLYA KAYNU NIMANCHIK

‘Wanuqkunaqa qashanpis kawsamunqallapa’ (Hechos 24:15, Mushuq Testamento).

BIBLYA NISHANQA ¿IMANUTAQ YANAPAMANCHIK?

Yanapamanchik ayllunchik wanutinqa ama kusalata llakinapaq (2 Corintios 1:3, 4).

Wanuytaqa ama kusata manchanapaq (Hebreos 2:15).

Yanapamanchikpis ayllunchikkuna wanushataqa qashan rikayashun kawsamuqta nir (Juan 5:28, 29).

¿IMAPAQNA BIBLYAPI KRIYIYPAQ?

Kaykunarayku:

• Jyubá Dyusmi tukuy kawsaqkunata rurashanrayku. Biblyapimi Dyusmanta kaynu nimanchik: “[Paymi] amayninchikta qumanchik, chaynulla tukuy imakunatapis qumanchik” (Hechos 17:24, 25; Salmo 36:9). Dyusmi tukuy kawsaqkunata kawsayninta quran, chayrayku tukuy wanushakunatapis kawsachimunqa.

• Dyusmi unay tyimpu wanushakunata kawsachimushanrayku. Biblyaqa nimanchik imanu Dyus kay pachapi ocho runakunata kawsachimuran nir: ullqukunata, warmikunata, wamritukunata ima. Wakinkunaqa chayraq wanusha kasha karan, piru uk runa Lázaro shutiqqa kwatru diyana wanusha kasha karan (Juan 11:39-44).

• Dyusmi wanushakunata kusalata kawsachimunayanrayku. Jyubá Dyusmi mana munayanchu nipipis wanunanta (1 Corintios 15:26). Shunqumanta-pacha kusalata tukchinayan wanuytaqa. Chayrayku tukuy wanushakunata kawsachimunqa, Jyubá Dyusqa chay diya ĉamunanta munayan yarpuyninpi ĉurashankunataqa qashan kawsachimunanpaq (Job 14:14, 15).