¿Pitaq mantakutin allinta kawsashun?

BIBLYA KAYNU NIMANCHIK

“Dyusqa, Akrashan Cristunlawanna tukuy tyimpupaqna mantakunqa” (Apocalipsis 11:15, Mushuq Testamento).

“Dyusqami, [Jesustaqa] ruranqa [...] kusa mantakuq kananpaq. Chayna pay mantakunqa tukuy tyimpupaq [...]. Chay mantakunanqa, mana tukukanqachu” (Lucas 1:32, 33).

BIBLYA NISHANQA ¿IMANUTAQ YANAPAMANCHIK?

• Dyuspa allin mantakunanqa tukuy nuqanchikkunata yanapamashunllapa (Isaías 48:17, 18).

• Biblyapis nimanchik kay shumaq pachapi kusalata kushikur kawsashun, mana qishaymapis kanqachu nimanchik (Apocalipsis 21:3, 4).

¿IMAPAQNA BIBLYAPI KRIYIYPAQ?

Kaykunarayku:

• Jesusmi yaĉachikuran imatataq Dyuspa mantakunanqa ruranqa nir. Yaĉakuqninkunata yaĉachiran mañakunanllapapaq Dyuspa mantakunan shamunanpaq, chaynu Dyus munashan kay pachapi rurakananpaq (Mateo 6:9, 10). Yaĉachimaranchikpis imanutaq ruranqa nir.

  Jesusmi kay pachapi karqa, mallaqnaqkunata qara- ran, qishaqkunata allicharan, wanushakunata kawsachimuran ima (Mateo 15:29-38; Juan 11:38-44). Jesús mantakurqa kusa allin mantakuq kanqa, chayrayku achka allin imakunata nuqanchikkunapaq ruranqa (Apocalipsis 11:15).

• Jyubá Dyusmi ruranqa nuqanchikkuna kay pachapi kusa shumaqtana kawsanapaq. ¿Imanutaq yaĉanchik? Jesucristuqa niran manaraq shumaq kawsaykuna ĉamuyatinqa kusa saqra imakuna kanqa: mallaqnaykuna, runa maqanakuqkuna, pachamapis kusalata kuyunqa tukuy lugarkunapi ima niran (Mateo 24:3, 7).

  Chaykunata kanan diya rikayanchikllapana, piru Dyusqa mantakunanwan tukuy chay prublimakunata tukchinqana.