¿Pitaq pachapi kawsaqkunata mantakuyan?

BIBLYA KAYNU NIMANCHIK

“Wakin mana kriyiqkunaqami chay dyablupa kar, kusala mana allinta rurarlla kawsanllapa” (1 Juan 5:19).

“[Dyabluqami] tukuyla pachapi kawsaqkunataqa ingañar purin” (Apocalipsis 12:9, Mushuq Testamento).

BIBLYA NISHANQA ¿IMANUTAQ YANAPAMANCHIK?

Yanapamanchik yaĉayta imapaqna qischakayanchik nir (Apocalipsis 12:12).

Yaĉakushunmapis qischakaqkunaqa mana qischakanqallapanachu nir (1 Juan 2:17).

¿IMAPAQNA BIBLYAPI KRIYIYPAQ?

Kaykunarayku:

• Dyusmi dyablupa mantakushantaqa tukchinqa. Satanás dyabluqa mana tukuy tyimpupaq runakunata mantakunqachu. Dyusqami dyabluta wanuchinqa, chayrayku mana qischakashunllapanachu (Hebreos 2:14).

• Jyubá Dyusqami Jesucristuta mantakunanpaq akraran. Jesusqa mana dyablu yupaychu, ashwanmi kusa shumaq mantakuq kanqa. Biblyaqa yaĉachimanchik mana imayjunkunata Jesús llakipanqa, dyablupa makinpi kaqkunata washanqa ima (Lucas 4:18).

• Dyusqami mana llullakunchu. Biblyapi nin: “Dyusqami mana llullakuyta puytinchu” (Hebreos 6:18). Tukuy arnimashanchiktaqa ruranqa (Tito 1:2). Chayrayku Biblyapi nin: “Dyusqa kay pachapi mantakuqtaqa itakunqa amana mantakunanpaqchu” (Juan 12:31).