¿Imatataq Jesusqa kay pachapi karqa ruraran?

Achka runakuna Jesuspi yarpurqa Jesustaqa uk itita yupay, uk willakuqta yupay, uk runito kusalata qischakaqta yupay ima rikanllapa. Achka imakunata Jesusqa kay pachapi ruraran nir mas yaĉhakurqa, paytaqa mas riqsishun, ¿manchu? Chayrayku, kaypiqa yaĉhakushunllapa ima kusa allin imakunata Jesusqa ruraran, imatataq yaĉhakuyta puytinchikllapa ima nir.

1. ¿Imapaqtaq Jesusqa kay pachaman shamuran?

Jesusqa kay pachaman shamuran tukuy runakunata ʻDiosqa imanumi mandakun nir shumaq rimananta uklaw pueblokunapipis yaĉhachikunanpaqʼ (liyiy Lucas 4:43). Jesusqa yaĉhachikuran uk gobierno kanqa nir. Chaynullapis, yaĉhachikuran chay gobiernoqa tukuy runakunapa problemankunata tukchinqa nir.a Kimsa año y mediota Jesusqa yaĉhachikuran (Mateo 9:35).

2. ¿Imapaqtaq Jesusqa achka milagrokunata ruraran?

Bibliaqa nin Diosqa Jesuswan kusala achka ʻmilagrokunata, kusa dispantakaypaqkunata ima ruraranʼ nir (Hechos 2:22). Diospa poderninwan Jesusqa wayrawan yakuta qasillachiran, kusala achka runakunata qararan, qishaqkunata allicharan, wanushakunata kawsachimuran ima (Mateo 8:23-27; 14:15-21; Marcos 6:56; Lucas 7:11-17). Chay milagrokunata ruratin, achka runakuna cuentata qukaranllapa Jesustaqa Dios kaĉhamusha karan nir. Chaynullapis, nuqanchikkunata yaĉhachimanchik Jehová Diosqa poderninwan tukuy runakunapa problemankunata tukchinqa nir.

3. ¿Imatataq yaĉhakunchik imanu Jesús kawsashanmanta?

Jesusqa Taytan Jehová Diosta tukuy tiempo kasuran (liyiy Juan 8:29). Wakinkuna qischatinmapis kusalata shachinakur Taytan munashanta ruraran wanunankaman. Chaynu yaĉhachimaranchik tukuy nuqanchikkunapis kusalata qischakayarmapis Diostaqa kasuyta puytinchik nir. Chaynullapis, Jesús imanu “qischakashanqami intrachimanchik, nuqanchikkuna qischakarmapis, pay yupay shachinakunallapapaq” nir (1 Pedro 2:21).

5. Jesusqa shumaq kawsayta puytinapaq yaĉhachimaranchik

Jesusqa Diospa Gobiernonmanta parlakur puriran, chaynullapis shumaq kawsayta puytinapaq yaĉhachimaranchik ima. Yaĉhakushunllapa ima consejokunatataq qukuran nir. Liyiyllapa Mateo 6:14, 34; 7:12 ima, chaymantaqa kaykunamanta parlayllapa:

• Kay textokunapiqa, ¿ima consejokunatataq Jesusqa qukuran?

• ¿Kay consejokunaqa tukuy runakunata yanapayta puytiyanqachu?

6. Jesusqa milagrokunata ruraran

Jehová Diosmi Jesustaqa poderta quran achka milagrokunata rurananpaq, mas intrakanaykillapapaqqa, liyiyllapa Marcos 5:25-34 manaqa VIDEOTA rikayllapa. Chaymantaqa kaykunamanta parlayllapa:

VIDEO: La curación de una mujer enferma (5:10)

• Chay videopi rikashanchiknu, ¿imatataq chay warmiqa yaĉhayaq?

• Chay milagroqa, ¿imatataq yaĉhachishun?

Liyiyllapa Juan 5:36, chaymantaqa kaykunamanta parlayllapa:

• Chay milagrokunaqa, ¿imatataq Jesusmanta yaĉhachimanchik?

KAYKUNATA YAĈHAKUSHANCHIK

Jesusqa Diospa Gobiernonmanta wakinkunata yaĉhachiran, milagrokunata ruraran, tukuy tiempo Taytan Jehová Diosta kasuran ima.

¿Imataq ninkiman?

• ¿Imata rurananpaqtaq Jesusqa kay pachaman shamuran?

• Jesusqa Diospa poderninwan milagrokunata ruraran, chayqa, ¿imatataq yaĉhachimanchik paymantaqa?

• ¿Ima shumaq consejokunatataq Jesusqa nuqanchikkunapaq dejaran?

MÁS YAĈHAKUNAYKIPAQ

¿Imamantataq Jesusqa mas parlakur puriran? Kaypi liyiy.

“¿Por qué es importante para Jesús el Reino de Dios?” (La Atalaya, 1 de octubre de 2014)

¿Ciertotachu Jesusqa milagrokunata rurasha kanqa? Kaypi liyiy.

“Los milagros de Jesús: ¿qué puede aprender de ellos?” (La Atalaya, 15 de julio de 2004)

Liyiy imanutaq uk runata Jesusqa mana paylapi yarpuqchu nir yaĉhakuyqa yanaparan.

“Lo más importante de mi vida era yo” (La Atalaya, 1 de octubre de 2014)

Rikay ima tiempopi, maykunapitaq ima Jesusqa yaĉhachikuran nir.

“La vida de Jesús en la tierra” (La Biblia. Traducción del Nuevo Mundo, apéndice A7)