Bibliapi imata yachashcacunahuan shujtajcunata animai

Bibliapi sinchiyachij yuyaicunata yachashpami achcata animarinchij. Shujtajcunaman imata yachashcata parlashpacarin ashtahuanmi animarinchij. Proverbios 11:​25-pica: ‘Shujtajcunata sinchiyachijcunaca paicunapish sinchiyachishcacunami canga’ ninmi.

Imata yachashcata shujtajcunaman compartishpaca chaipi nishcacunataca manataj cungarishunchu. Imata yachashcatapish ashtahuan allimi intindishun. Shujtajcunapaj feta sinchiyachishcata yachashpacarin ashtahuan cushillami sintirishun (Hechos 20:35).

Caita rurai: Shamuj semanapi can yachashcata shujtajcunaman parlai. Por ejemplo, cambaj huasipi, congregacionpi, trabajopi, escuelapi, comunapimi shujtajcunaman parlai tucungui. Can yachashcataca jahualla shimicunahuan, intindirinalla shimicunahuanmi parlana cangui.

Caita yuyari: Shujtajcuna ricuchunlla, jatunyaringapajllaca mana parlanachu cangui. Ashtahuanpish paicunata animana munaihuanmi parlana cangui (1 Corintios 8:1).