¿Llaquilla causaica tucuringachu?

BIBLIACA NINMI

‘Diosca paicunapaj ñahuicunamantaca tucui huiquitami pꞌichanga. Huañuipish, huacaipish, llaquipish, nanaipish ña mana tiyangachu’ (Apocalipsis 21:​4, Biblia en Quichua Chimborazo, 1989).

CAITA CRINACA ¿IMA SHINATAJ AYUDAN?

Yaya Dios mana llaquichicushcatami intindishun (Job 34:10).

Llaquilla cajpi Dios ima shina sintirishcata yachashpaca cushicushunmi (Zacarías 2:⁠8).

Llaquicuna tucurina cashcatami crishun (Prov. 2:​21, 22).

¿BIBLIA YACHACHISHCATA CRINACHU CANCHIJ?

Ishqui yuyaicunata ricushun:

• Llaquicunata, llaquichijcunatapish Diosca pꞌiñanmi. Ñaupa punllacunapi paipaj llajtata llaquichijpica ¿ima shinataj Diosca sintirirca? Bibliaca ninmi: paipaj llajtata ‘pꞌiñaj runacuna llaquichicujta’ ricushpaca Diosca achcatami llaquirirca nishpa (Jueces 2:​18).

  Shujtajcunata llaquichij gentecunataca Diosca pꞌiñanmi. Bibliaca ninmi: ‘manapish ima millaita rurajpi yanga huañuchijtaca’ Diosca pꞌiñanmi nishpa (Proverbios 6:​16, 17).

• Cada unomantami Diosca preocuparin. Diosca ñucanchij llaquicunata paiman huillachunmi munan. ‘Diosca cancunata cuidaracunmi’ nishpami Bibliaca yachachin (1 Pedro 5:7).

  Pai agllashca reyhuanmi, Diosca ñalla cada unopaj llaquicunata tucuchinga (Mateo 6:​9, 10). Chai punlla chayangacamaca cꞌuyaihuanmi paita mashcajcunataca ayudan (Hechos 17:27; 2 Corintios 1:​3, 4).