¿Pitaj cai pachataca mandacun?

BIBLIACA NINMI

‘Cai pachapajta rurajcunataca, Diablomi mandacun’ (1 Juan 5:​19, Biblia en Quichua Chimborazo, 1989).

‘Diospaj Churica, Diablo imalla rurashcata chingachingapajmi shamurca’ (1 Juan 3:​8).

CAITA CRINACA ¿IMA SHINATAJ AYUDAN?

Llaquicuna imamanta tiyashcatami intindinchij (Apocalipsis 12:12).

Alli causai tiyana cashcata shuyachunmi ayudan (1 Juan 2:17).

¿BIBLIA YACHACHISHCATA CRINACHU CANCHIJ?

Quimsa yuyaicunata ricushun:

• Diabloca ña mana mandangachu. Diablo cai pachata mandashpa catichunca Diosca mana saquingachu. Chaimantami Diablota ‘chingachishpa’ alli causaita apamusha nin (Hebreos 2:​14).

• Jesustami rey cachun Diosca agllarca. Jesusca mana cai pachata mandaj millai Diablo shinachu can. Diosca Jesús ima shina mandanatami huillan: Humildecunata, huajchacunata llaquingami. Umashca, llaquichishca causacujcunataca quishpichingami ninmi (Salmo 72:​13, 14).

• Diosca mana llullanchu. Bibliapica mana pandarishpami ‘Diosca mana llullajchu’ nin (Hebreos 6:18). Jehová Dios imata rurasha nishpaca pajtachingami (Isaías 55:​10, 11). Paica nishcami, “cai pachata mandacujtapish caimanta shitana punllami” nishpa (Juan 12:31).