¿COSASCUNA CARUYAJPICA IMATATAJ RURAHUN?

Chaicunahuan acostumbrari

Preciocuna asha asha subijpi, sueldocunapish subijpica cosascuna caruyashcataca mana cuentata cunchijchu. Pero sueldo mana subijpi, yallitaj preciocuna subijpica familiata mantinina cashcamantami sustarido, estresado sintirinchij.

Preciocuna ama subichunca imata mana rurai tucunchijchu. Pero chashna causangapajmi acostumbrarina canchij.

¿CAICA IMAMANTATAJ IMPORTANTE CAN?

Preciocuna subishpa catijpica caitami rurana canchij:

Ama yalli sustarishun. Tranquilo sintirishpaca alli yuyashpami alli decisioncunata agllashun.
Imatapish alli yuyashpa rurashun. Luzmanta, yacumantaca utcami pagana canchij. Shujtaj cosascunapi yangamanta cullquitaca mana gastanachu canchij.
Cullquimantaca familiahuan mana pꞌiñanacunachu canchij.
Minishtirishca cosascunata randingapaj imata rurana cashcatami yuyarina canchij. Chashnami menos cullquita gastashun, imata minishtishcatapish alli ricushun.

¿IMATATAJ RURAI TUCUNGUI?

Acostumbrari. Preciocuna subijpica ricushpallami cullquita gastana cangui. Huaquincunaca cullquita ña mana charishpapish ñaupa shinallatajmi cullquita gastancuna. Pero achcata esforzarishpapish paicuna munashcataca mana charincunachu. Ashtahuanpish shaicushcami sintirincuna. Familiata mantiningapaj preocuparinaca normalmi can. Pero familiaca cꞌuyaita ricuchichun, tiempota cuchun, paicunahuan pasachunmi minishtin.

“Cancunamantaca, ¿maijantaj yalli sustarishpapish quiquin causaitaca shuj minutollahuanpish mirachi tucunguichij?” (Lucas 12:25).

“Shinaca caya punllamantaca ama yallitaj sustarichijchu. Punllantami imamanta sustarinaca tiyan. Chaimanta cunan punlla charishca llaquicunallamanta sustarichij” (Mateo 6:34).

Cullquita mana charishpapish ñaupa shinallataj gastashpaca llaquicunatami charingui.