¿Estresca imata can?

Imapash llaquicunata o problemacunata charishpaca ñapashmi estresarinchilla. Ñucanchi cerebromi ñucanchi cuerpo enteropi hormonas nishcacunata jundachi callarin. Chaimandami ñucanchi shungupash ashtahuan putun putun ni callarin, presión bajo, o na cashpaca presión altata chari callarinchi. Shinallata respiraitapashmi ashtahuan ñapash respirai callarinchi, ñucanchi cuerpopi musculocunapash tisuyarin. Ñucanchi cuerpopi chaicuna pasajushcamandami ñucanchica imata rurangapapash ña listo canchi. Ña estrés tucurijpica ñucanchi cuerpoca ñana imatapash ñapashca ruranllu cutinmi tranquilo sintirin.

ESTRESCA AYUDAITA, LLAQUICHITAPASHMI USHAN

Estresca imapash llaquicunata, problemacunata, jarcaicunata charijpi imatapash rurachunmi ayudan. Caica ñucanchi cerebropimi callarin. Estreshuan canaca imatapash ñucanchi munashcata ñapash rurachunmi ayuda. Por ejemplo, shuj examenbi cajpi o trabajota mascajushpa imata ninata yachachunmi ayudan. Shinallata imapash deporteta ñapash rurachunmi ayudan.

Shinapash yapa estresado cashpaca shuj ungüi cuendami tigraita ushan. Ñucanchi cuerpoca yapa estresado caimandami nana nana caita ushan, culira o llaquilla sintiri ushanchi, na cashpaca imatapash cungai ushanchilla. Shinallata shujcunatapashmi imacunatapash nishpa nali sintichita ushanchi. Yapata estresado cashpaca yapata ufianata, ima ricurishca jambicunata, drogacunatapash ufiai callari ushanchiman. Shinallata yapata micui callarita ushanchiman. Yapata estresado cajcunaca shaijushcapachami sintirita ushan, depresión ungüita charita ushan. Shinallata suicidarina munaitapashmi charita ushan.

Estresca na tucuicunatachu igual llaquichin. Huaquingunataca cuerpopi imapash nanaicunata cushpami llaquichin.