Chuscu jovengunami Jehovata cazurca

Nabucodonosorca Judá llactamanda principecunataca Babiloniamanmi aparca. Chaipica reyta sirvij Aspenaz runatami paicunata cuidachun churarca. Shinallata paitaca: “ali yuyaita charij” sano huambracunata paicunapuramandaca apamungui nircami. Chai jovengunaca Babiloniapi huaquin cargocunapa responsable cangapami quimsa huatacunata alipacha yachajuna carca. Chaipaca Babilonia llactapi parlashca acadio shimita liinata, escribinata, parlanatapashmi yachajuna carca. Shinallata rey micushca micunacunatallatami paicunapash micuna carca. Paicunaca Daniel, Hananías, Misael, Azarías shuticunami carca. Aspenaz runaca Babiloniamanda gentecunapa shutita churashpami: Beltsasar, Sadrac, Mesac, Abednego nishpa rijsirca. ¿Chai llactapi alipacha yachajunaca paicunataca Jehová Diosmanda caruyachigrijurcachu?

Cai chuscu jovengunaca Jehová Diosta tucuipi cazungapami munarca. Jehová Dios cushca Leypi huaquin micunacunata na micuchun mandashcataca alimi yacharca. Chaimandami jatun mandajpa huasipi carashca micunataca paicunaca na chasquina carca. Chai chuscu jovengunaca Aspenaz runataca: Reypa micunata ‘micuchunga ama ñucanchitaca mandaichu’ nirca. Shina nijpimi Aspenazca: Cangunata ‘irquilla ñavita ricushpaca, ñucatami jatun mandajca huañuchihuanga’ nirca.

Danielca shuj ali yuyaita charimandami paicunata cuidaj guardiataca: ‘Ñucanchimanga, verduracunata y yacutalla 10 punllacaman carashpa ricupai’. “Shina rurashca jipaca, reypa micunata micuj huambracunapaj ñavihuan, ñucanchi ñavihuan chimbapurashpa ricupanguilla” nirca. Chai nishcaca paicunapaca alimi carca.

10 punllacuna jipaca Danielta y paipa quimsa cumbacunatapash ñavita ricujpica, reypa micunata micuj huambracunatapash yali alimi ricurirca. Jehová Diosca chai chuscu jovenguna paita cazushcamanda cushijushcami carca. Danielman Jehová Dios ali yachaita cujpimi, muscuicuna ima cajtapash yachai usharca.

Chai jovenguna ña quimsa huatacunata yachajushca jipaca Aspenazca Nabucodonosor reypamanmi paicunataca pusharca. ‘Chaipimi jatun mandajca paicunahuan parlarca. Chai tucui jovengunamandaca Daniel, Hananías, Misael, Azarías paicunashnaca pipash na tiashcatami’ cuenta japirca. Chaimandami paicunataca jatun mandajpa huasipi trabajachun agllarca. Jipamanga tauca viajemi Nabucodonosorca imapash importante cosascunata decidigrijushpaca chai jovengunatami tapun carca. Jehová Diosca rey Nabucodonosorpa ‘alipacha yachajushcacunamanda’, ‘llactapi tiaj tucui yachajcunamanda’ ashtahuan yali yachaitami chai chuscu jovengunamanga curca.

Daniel, Hananías, Misael, Azariaspash na paicunapa llactapi carcachu. Shinapash siempremi Jehová Diosta sirvijcuna cashcata yarin carca. Canga, canba taitacuna na canhuan cajpipash, ¿Jehová Diostaca siemprechu yarigringui?