Parte 12pa callari shimicuna
Jesusca jahua cielomanda Diospa Reino mandanatami parlan carca. Shinallata Diospa shuti santificado cachun, Diospa Reino ucha chayamuchun, Diospa munai cai alpapi pactarichunbashmi mañachun yachachirca. Quiquin huahuacunata charishpaca, chai mañai imata ningapaj munashcata yachachipangui. Jesús Jehovata tucuipi cazushcamandami Diablo paita pandachichunga na saquirca. Ashtahuangarin Jehovatalla ali adorana cashcatami ricuchirca. Jesusca paipa apostolcunatapashmi agllarca. Paicunami Diospa Reinopi shuj privilegiota chasquigrinajurca. Shujcunata ayudangapaj munashpami Jesusca ungushcacunata jambirca, yarjaihuan caj gentecunaman micuchirca, huaquin huañushcacunatapash causachirca. Chai milagrocunata rurashpami cai alpapi causaj gentecunamanga Diospa Reino imatalla ruragrijushcata ricuchirca.