Marzo

Huauquicunallata na ricunayachishpa llujchishpa cachajpimi Jefteca paipa chasquina alpacunatapash saquishpa rirca (Juec. 11:1-3). Shinapash, Israel llactamanda ancianocuna ayudai nishpa rogajpica, tucui shunguhuanmi ayudarca (Juec. 11:4-11). Jefteca shujcuna na ricunayachijpi preocuparijunapa randica, Jehová Diospa shutita alabanapimi ashtahuanga preocuparirca Jefteca tucui paipa causaipi Jehová Diosta sirvingapami munarca. Chaita ruranaca paipallata, shujcunapashmi ali carca (Heb. 11:32, 33). Shuj huauqui ñucanchita llaquichijpi o nalishnalla tratajpica. Bibliapi yuyachij consejocunapi pensarishpami ima decisiondapash rurana canchi. Shungupi nanachinshna sintirijushpapash Jehovata sirvinata, tandanajuicunaman rinata, huauquipanicunahuan tandanajunataca na saquishpami, llaquicunata aguantashpa shujcunamanbash ali ejemplota ricuchi ushanchi (Rom. 12:20, 21; Col. 3:13). w16.04 1:7,9, 10

Ñucanchicunaca tucuricaman aguantana cashcatami yaipi charina canchi. Pensaripashun. Shuj barcoca ña pambarijushcanman. Barcopi rinajuj gentecuna salvaringapaj munashpaca na shaijushpami yacu manñacaman nadashpa rina can. Ñucanchicunapash paraíso Alpagupi causangapaj munashpaca tucuricamanmi aguantashpa catina canchi. Apóstol Pablo shinami, Jehovataca ‘napacha saquishachu’ nina canchi (2 Cor. 4:16, MTQI). Tucuricaman aguantachun Jehová Dios ayudanataca apóstol Pabloshnami seguro cana canchi. Paica nircami: ‘Aligutapachami yachani: Huañuipash, causaipash, angelcunapash, ninan ushaita charishpa mandajcunapash, Dios rurashca imacunapash, Jesusmanda Taita Dios juyajujtaca, ñucanchimandaca napacha anchuchi ushangachu’ nishpa (Rom. 8:37-39). w16.04 2:17, 18

Jehovatami mañana canchi, na imapipash chapurina cashcata cuenta japingapaca ayudahuangui nishpa. Huaquinbica, Jehová Diosta cazuimandami carcelpi churai tucushun o imapash llaquita charishun. Shina cajpica Jehovatami mañana canchi. Shina mañajpica aguantashpa catichunmi ayudanga (Hech. 4:27-31). Jehová Diosca ñucanchicuna shinlli tucuchunmi Bibliata cushca. Ama imapipash chapuringapaca Bibliapa textocunapimi pensarina canchi. Shinallata, huaquinbi Bibliata na charishpaca imatashi nisha yashpami huaquin textocunata de memoria yachajuna canchi. Bibliami shamuj punllacunapi Taita Dios ali causaita caranata yaipi charichun ayudanga. Chashna ali causai tianata yaipi charishpallami catiriashpa llaquichijpica aguantai ushashun (Rom. 8:25). Shinaca, shamuj punllapi ali causai tianata parlaj textocunata agllashpa chaipi ali causajushcata pensaripashun. w16.04 4:14, 15

Jesusta catinchi nij tucushca religiongunapi ñaupaman pushajcunaca Diospa Reinomandaca na villachinajunllu. Huaquingunaca Diospa Reinomanda parlashpapash ninmi, Diospa Reinoca ñucanchi shungu ucupimi can nishpa. Diospa Reino jahua cielomanda mandanata, Diospa Reinopi Jesús Rey cajtaca na parlanllu. Paicunaca Navidadpi, Semana Santapillami Jesusmandaca parlan. Diospa Reinolla cai mundopi tucui llaquicunata, nali gentecunata ñalla tucuchinataca na parlanllu (Apoc. 19:11-21). Imamanda villachinatapash na yaipi charinllu. Culquitapash na mañanachu can. Valishca, jatun huasicunatapash na ruranachu can. Diospa Shimihuanga na negocianachu can (Hech. 20:33-35; 2 Cor. 2:17). w16.05 2:7, 8

Ñucanchi alicachishca ropatalla churajunata gushtashcanchiman. Shinapash chai ropata churajujpi congregacionbi huaquin huauquipanicuna nali sintirijta yachashcanchiman. Ropamanda parlashpaca Bibliapica na shuj ley tianllu. Shinaca ¿imashinata Jehová Dios imata pensajtaca yachashun? Bibliapica cai yuyaimi tian: ‘Huarmicunapash ama munanaita, ama pinganayaita churajuchun. Umatapash na yapata alichirinachu. Orota rurashca imatapash, perlascunatapash, ninan valishca churajunacunatapash, na churajunachu. Ashtahuangarin, Diosta yarishpa causaj huarmicunashnallata causachun ninimi’ nishpa (1 Tim. 2:9, 10). Cai textopi yuyaicunaca jaricunapapash alimi can. Ñucanchi churajushca ropahuan, arreglarishcacunahuanga na pitapash nitijachinachu canchi. Ñucanchi huauquipanicunata juyaimandaca paicunata ama culirachingapaj ama llaquichingapami esforzarina canchi (1 Cor. 10:23, 24; Filip. 3:17). w16.05 3:14

Taita Diospa churi cashpapash Adanga Taita Diosta na cazushpami Taita Diospa churi canata saquirca. Adán na cazujpipash Adanba tauca huahuacunaca Jehová Diosta cazunatami (Heb. 12:1). Shina rurashpami paicunaca Diablota na cazushpa, Jehová Dios paicunapa Taita cachun, paicunata shuj alpa mangagutashna formachun munashcata ricuchirca (Juan 8:44). Paicunami cunan punllapa textota yarichin. Cunan punllapi Jehovata sirvijcunapash Jehovataca tucui shunguhuan cazungapaj, alpa mangagutashna aliguta formachunmi munanchi. Chaimandami tapurina canchi: “¿Shuj valishca alpa mangagutashna aliguta formachun saquijunichu? ¿Ñuca huauquipanicunataca Jehová Dios formajuj alpa mangagutashna cajtachu ricuni? nishpa. w16.06 1:2, 3

Ñucanchicunaca ñallami Jehová Dios mandajun mundopi causanajushun. Chaimandami shinlli feta charishcata o na shinlli feta charishcata ricuchina canchi. Mateo 6:33​pi Jesuspa shimicunata yarishpa tapurishunchi: “Ñucapa rurangapaj munashcacunahuan, ñuca decisiongunahuanga Jesuspa shimicunapi crishcata ricuchijunichu? ¿Culquita ashtahuan gananamandallachu tandanajuicunaman, villachinamanbash faltagrini? Ñuca trabajomanda tiempota ñana charishpa o shaijushca sintirijushpaca ¿imatata ruragrini? ¿Cai mundora ñucata shuj alpa mangatashna formashpa, Jehovata sirvinata jarcachunllu saquigrini?” nishpa. ¿Nali cumbacunamanda, expulsashcacunamanda, nali diversiongunamanda Biblia imata nijtaca cazunchichu? Na cazushpaca ñucanchi shungutami shinlliyachinajunchi. Ñucanchipillata pensarishpami, ñucanchi yuyaicunata Biblia cambiachun saquina canchi. w16.06 2:8, 9

Cunan punllacunapica testigo de Jehovacunami aliguta organizarishpa Jehovata juyan, Jehovata sirvingapaj munan. Paicunaca pandarinmi. Shinapash Jehová Diosca paicunata ñaupaman pushashpami paipa espíritu santohuan bendiciajun. Huata 1914​pica, huaquin gentecunallami Jehovata adoran carca. Shinapash villachinata Jehová Dios bendiciajushcamandami ashtaca millón gentecuna Bibliata yachajushpa testigo de Jehovacuna tucushca. Shinami Bibliapi cai shimicuna pactarishca. Shinallata Jehová Diosca nircami: ‘Ñucallatami caicuna chashna tucuna punllacunataca ucha pactachisha’ nishpa. Chai shimicuna cunanbi pactarijujtaca tucuicunami ricushcanchi. Jehová Diosta sirvijcunaca shuj jatun llactashna tucushpami 8 millón yali gentecuna can. Jehovata sirvij llactaca huaquin llactacunatapash yalimi can. w16.06 4:1, 2

Pajarogucunatapash cuidashpaca gentecunatapash Jehová Dios cuidanataca Jesusca alimi yacharca (1 Ped. 5:6, 7). Shinapash imashinami pajarogucunaca paicunallata rishpa micunaguta mascana can, shinallatami ñucanchicunapash ali trabajana canchi. Ñucanchillata tarpuna cashpa o trabajashpa micunata randina cashpapash, shinllita esforzarijpimi Jehová Diosca bendicianga. Culquita o micunata na yapallaguta charijpica Jehová Diosllatami ñucanchicuna imata minishtinajujtaca cunga. Huaquinbica shujcunami paicuna ima charishcaguta ñucanchiman caran. Shinallata, imashinami pajarocunaman tazinguta rurachun ima minishtirishcaguta cushpa ayudarca, shinallatami Jehová Diosca ñucanchi familiahuan causachunga maipi causana pushtuguta charichun ayudanga. Cunan punllapa textota nishpaca, huaquin punllacuna jipalla gentecunamanda huañuna cashcata yarishpami Jesusca parlajushcanga (Lucas 12:6, 7). Jesusca shuj pajarogumanda o shuj animalmandaca na huañurcachu. Gentecuna para siempre causai ushachunmi huañurca (Mat. 20:28). w16.07 1:11-13

¿Imamandata juchata ruranchi huañunchipash? Bibliapica ninmi, Adán juchata rurajpimi “huañuica mandajurca” nishpa. Tucuicunami Adanba huahuacuna caimandaca juchata ruranchi, huañunchipash (Rom. 5:12, 14, 17). Shina cajpipash, Jesús ñucanchimanda huañushcata crishpami jucha ñucanchita na mandachun munashcata ricuchita ushanchi. Shina rurashpami llaquishpa jahuan jahuan caraj Dios ñucanchita mandachun saquinajunchi (Rom. 5:20, 21). Juchayucuna cashpapash jucha ñucanchita mandachunga na saquinachu canchi. Imapash nalita rurashpaca perdonahuai nishpami Jehovata mañana canchi. Taita Dios ñucanchita llaquishpa jahuan jahuan carachun saquishpaca ¿ima bendiciongunatata charishun? Apóstol Pablo nishca shinaca, ‘cai pachapa nali munaicunatapash’, Taita Diosta ‘na manllashpa causanatapashmi’ millanayachishun. Shinami ‘aliguta yarishpa, imatapash [alita] rurashpa, Diosta yariashpa’ causashun (Tito 2:11, 12). w16.07 3:5, 6

Adán y Evaca Jehová Diosta na cazuimandami paicunapa cazarashca causaitaca huaglichirca. Diabloca ‘pundamandapacha causajuj culebrashnami’ can. Paimi Evataca nirca: ‘Alita, nalita yachaita cuj yuramanda’ micushpaca Taita Dios yachanshnallatami alitapash, nalitapash yachangui nishpa. Shina nijpimi Evaca cusatapash na tapushpa chai yuramanda yangata japishpa micurca. Shina rurashpami Evaca paipa cusapa autoridadta na respetashcata ricuchirca. Adanbash paipa huarmi Eva cushcata micushpami Jehová Diosta na cazushcata ricuchirca (Apoc. 12:9; Gén. 2:9, 16, 17; 3:1-6). ¿Imatata rurarcanguichi? nishpa Jehová Dios tapujpica, Adanga paipa huarmitami culparca. Evapash culebra umachijpimi micurcani nirca (Gén. 3:12, 13). Paicunaca yanga pretextocunata churashpami, Jehová Diosta na cazushcataca na intindingapaj munarca. Chaimandami Jehová Diosca paicunata llaquichirca. Shinaca cazarashcacuna ali causangapaj munashpaca Jehová Diostami cazuna can, cada uno imapi pandarishcatapash intindinami can. w16.08 1:1, 4, 5

¿Imamandata huaquin cusahuarmicunaca jatun problemacunata charin? Huaquingunaca cusahuarmi causai paicuna pensashcashna na cajpimi llaquilla o culira sintirin. Cutin huaquinbica shuj shuj costumbrecunahuan viñashcamanda, shuj shuj yuyaicunata charishcamanda, culquimanda, familiacunamanda o huahuacunata imashina viñachinamandami problemacunata charin. Shinapash, ashtaca cusahuarmicunaca Jehová Dios paicunapa causaipi ayudachun saquishpami ali causaita ushashca. Shinlli problemacuna ricurijpica ancianocunapa ayudatami cazarashcacunaca mascana can. Ancianocunaca ashtaca experienciata charimandami Bibliapa consejocunata catichun ayudaita ushan. Cazarashcacunaca Jehová Diospa espíritu santota mañashpami Bibliapi consejocunata pactachishpa ali cualidadcunata ricuchi ushan (Gál. 5:22, 23). w16.08 2:11-13

Jesusca quimsa huata chaupitalla yachachina caimandami ocupado carca. Shinapash gentecuna yachajungapaj munajpica tiempota llujchishpami paicunamanga ashtaca cosascunata yachachin carca. Shuj punllaca yacu manñapi tandanajushca ashtaca gentecunamanmi yachachi callarirca. Chai jipaca shuj jatun milagrota rurashpami Pedrotaca ashtaca pescadocunata japichun ayudarca Jesusca cunan punllapa textopi shimicunata nirca. Jesús shina nishcandimi Pedropash, Pedrohuan cajcunapash ‘canoacunata manñaman llujchimushpa, tucuita saquishpa Jesusta catishpa rinajurca’ (Luc. 5:1-11). Nicodemopash Jesusmanda ashtahuan yachajungapami munarca. Shinapash paica judiocunata jatun mandajcunapuramandami carca. Chaimandami paica Jesushuan parlajujta shujcuna ricuchunga manllajurca. Manllaimandami Nicodemoca tuta rishpa Jesushuan parlangapaj munarca. Jesusca Nicodemota cushilla chasquishpami tiempota llujchishpa minishtirishca cosascunata yachachirca (Juan 3:1, 2). Jesusca siempremi gentecunaman Diospa Shimimanda yachachingapaj, gentecunapa feta shinlliyachingapaj munarca. Ñucanchicunapash gentecunapa ima horas ali canata ricushpami visitana canchi. Shinallata, Bibliatapash aliguta intindichingapami tiempota llujchina canchi. w16.08 4:10, 11

Na jariyashca cashpaca Jehová Dioslla jucha illaj cashcata na cungashpami paipa mandashcacuna alipacha cashcata yarina canchi. Na jariyashca, humilde cashpaca Jehovapa mandashcacunata cazushpami causashun. Ashtahuangarin, na jariyashca cashpami shujcunapa yuyaicunata respetashun, shujcuna imashina sintirishcatapash yaipi charishun. Ñucanchi churajushca ropahuanmi Jehovata sirvijcuna cashcata ricuchina canchi. Jehovapa mandashcacunaca alipachami can. Chaimandami ñucanchica cushijushpa cazunchi. Ñucanchi huauquicuna, panicuna aliguta vistirishpa, aliguta portarishcamandaca ashtacatami felicitangapaj munanchi. Shina vistirishpa, portarishpami paicunaca gentecunata Bibliamanda yachajungapaj munachun ayudashpa Jehová Diosta jatunyachishpa cushichinajun. w16.09 3:18-20

Jacob shinllita esforzarishcamandami Jehová Diosca paita bendiciarca (Gén. 32:24-26). Jacobtaca Israel shutita churarca. Israel shutica Taita Dioshuan ‘macanajushca’ o Diospa bendicionda chasquingapaj aguantashcatami nisha nin. Chaimandami, Jacobca Jehová Diospa bendicionda chasquirca. Ñucanchicunapashmi chai bendiciongunatallata charingapami munanchi. Raquelca Jacobpa juyashca huarmimi carca. Paipashmi paipa cusa Jacobman Jehová Dios nishca shimicuna imashina pactarinata ricungapaj munarca. Shinapash Raquelca na huahuacunata chari usharcachu. Chai tiempocunapica huahuacunata na charinaca jatun llaquimi carca. Chashna llaquita apajushpaca ñana imatapash rurai ushanichu nishpaca na pensarijurcachu. Ashtahuangarin aguantashpa catingapami Jehová Diosta cutin cutin mañarca. Shinami Jehová Dios uyajpi Raquelca huahuacunata charirca (Gén. 30:8, 20-24). w16.09 2:6, 7

Bibliapi yachachishcata cazushpaca ashtahuan cushijushpami causanguichi nishpami quiquinba huahuacunamanga yachachina capangui (Sal. 1:1-3). Quiquinba huahuacunataca nita ushapanguimi, shuj islapi causangapaj rinajushcanguichiman. Cangunahuan chaipi causachun, tucuilla gentecuna ali llevarishpa, ali causachunga ¿picunatata agllanguichiman? nishpa. Chai jipaca Paraisopi causachun ima laya gentecunata Jehová Dios munashcata intindichunmi Gálatas 5:19-23​tami lii ushapangui. Shinami ishcai ali yuyaicunata quiquinba huahuacunamanga yachachi ushapangui. 1) Cunanllata tucuicuna ali llevarishpa, cushijushpa causachun Jehová Dios ñucanchicunaman yachachijushcata, 2) Paraisopi imashina causana cashcata Jehová Dios yachachijushcatapash (Is. 54:13; Juan 17:3). Ashtahuangarin, shuj huauquipanicunata Biblia imashina ayudashcatapashmi yachachi ushapangui. Chaipaca ñucanchi publicaciongunapi llujshishca experienciacunata o La Atalaya revistapi “La Biblia les cambió la vida” nishca temacunatami ricui ushapangui. w16.09 5:13, 14

Ocupado cashpapash, ñucanchi estudio personalta charingapaj, Familiahuan Adorana Tutata rurangapapash tiempota llujchinami canchi (Efes. 5:15). Publicaciongunata ashtacata liina, tandanajuicunapi comentariocunata cungapaj prepararinaca alimi can. Shinapash Taita Diospa Shimi ñucanchi shunguman chayashpa ñucanchi feta shinlliyachichunmi munana canchi. Bibliata estudiajushpaca shujcunata imashina ayudanatalla pensarinapa randica, ñucanchipipash pensarinami canchi (Filip. 1:9, 10). Villachingapaj, tandanajuicunapa o discursota cungapaj prepararijushpaca, ñucanchipipash pensarina canchi. Shuj ejemplota ricupashun. Micunata yanushpa trabajajcunaca siempremi micunataca malin. Chai jipami gentecunamanga yalichi callarin. Shinapash ¿malishca micunahuanlla causaita ushanmanllu? Na. Sano causangapaj munashpaca, paipash micungapami micunata yanushpa catina can. Ñucanchicunapash, espiritualmente shinlli cangapaj munashpaca Bibliatami estudiashpa catina canchi. w16.10 2:10, 11

Femanda parlashpaca Hebreos 11:1 callaripica ninmi: “Japigrishapacha yashpami shuyanajunchi” nishpa. Shinaca ¿imatata shuyanajunchi? Jipa punllacunapi Jehovapa cusha nishcacuna pactarinatami shuyanajunchi. Shuj ejemplota ricupashun. Ñucanchicunaca tucuilla nali ruraicuna tucurinata, shuj paraíso Alpagu tianataca seguromi canchi. Shinallata Hebreos 11:1 cati partepica ninmi: “Crishcamandami, na ricushpapash japigrinataca aligutapacha yachanchi” nishpa. ¿Imatallata na ricushpapash crinchi? Ñucanchicunaca Jehová Diosta, Jesusta, angelcunata, jahua cielopi Diospa Reinotaca na ricui ushanchichu. Shinapash chaicuna tiajtaca tucui shunguhuanmi crinchi. Ñucanchi causaihuan, ñucanchi parlashcacunahuan, ruraicunahuanmi crishcata o feta charishcataca ricuchi ushanchi. w16.10 4:6

Jehová Diospash Jesuspash paicunapa munaita pactachingapaj ñucanchicunaca esforzarijpica, ashagutalla rurajpipash alicachishpami ricun (Luc. 21:1-4; 2 Cor. 8:12). Mayorlla huauquipanicunaca ashtacata esforzarishpami tandanajuicunamanbash, villachingapapash llujshin. Paicuna ashtacata esforzarinajushcamandaca ¿animashpa cushichinchichu? Pipash alita rurajta ricushpaca animashpa cushichinataca na cunganachu canchi. Shuj punllaca apóstol Pablo Bernabendi Antioquía de Pisidia nishca llactaman rijpimi, chai llacta tandanajuna huasicunapi ñaupaman pushaj huauquicunaca huaquin shimicunata paicunaman nirca. Traducción del Nuevo Mundo Bibliapi Hechos 13:15​pica ninmi: “Jari huauquicuna, gentecunata animashpa cushichingapaj imapash shimita nina cashpaca nipaichilla” nishpa. Shina nijpimi Pablopash paicunata animashpa cushichirca (Hech. 13:13, 14, 16, 42-44). Shujcunata animashpa cushichijpica, shujcunapashmi ñucanchitapash animashpa cushichinga (Luc. 6:38). w16.11 1:3, 15, 16

Jehovapa organizacionbi cana, Jehová imata ñucanchiman mandajujta yachanaca shuj jatun bendicionmi can. Jehová Dios imata alicachishcata yachaimandami paita cazuna, pai imata alicachishcata rurana obligacionda charinchi. Ashtaca gentecuna nalita ruranata alicachijpipash Jehová Diospa ejemplota catishpami ‘nalita ruranataca millanayachina’ canchi (Sal. 97:10). Shuj gentecunashna ‘nalitara alimi nishpa, alitara nalichu’ can nishpaca na purinachu canchi (Is. 5:20). Jehovata cushichingapaj munashpami tucuipi limpio cangapaj munana canchi (1 Cor. 6:9-11). Jehová Diosca ñucanchicunallata ali causachun munashpami Bibliapica huaquin cosascunata mandashca. Ñucanchipash paita juyaimandami paita cazungapaj munanchi. Chaimandami huasipi cashpa, trabajopi cashpa, escuelapi o colegiopi cashpa o maipi cashpapash Jehová Dios Bibliapi imata mandashcata cazuna canchi. w16.11 3:13

Bibliamanda Yachajujcunaca huaquin cosascunataca ali intindinarami carca. Shuj ejemplota ricupashun. Paicunaca Bibliapi nishca shina, gobiernocunata imashina cazunataca nara ali intindircachu. Chaimandami guerracunapi na chapurina cashcataca na ali intindirca. 30 de mayo de 1918 huatapica Estados Unidosmanda presidenteca gentecunataca nircami, guerra ama tiachunmi mañana canguichi nishpa. Shina nijpimi The Watch Tower revistapipash Bibliamanda Yachajujcunataca guerra ama tiachunmi mañana canguichi nishpa animarca. Huaquin huauquipanicunacarin, asha culquihuanmi guerrata ayudarca. Shujcunacarin soldadocuna tucushpami guerraman rirca. Imashinami ricunchi, Bibliamanda Yachajujcunaca aliguta intindichichunmi minishtinajurcara. Shinapash Primera Guerra Mundial punllacunapica ñami Bibliamanda Yachajujcunaca tucuilla panda religiongunamanda libre quedanajurca (Luc. 12:47, 48). w16.11 5:9

¿Imamandata apóstol Pabloca Jesusta catij ungidocunataca cangunapa munaitalla rurashpaca na causanachu canguichi nishpa advirtirca? ¿Imamandata tucuicunallata apóstol Pablopa shimicunata cazuna canchi? Huaquinbica Jehová Diosta ali sirvi callarishpapash ñucanchi munaicunata pundapi churashpami pandarita ushanchiman. Shuj ejemplota ricupashun. Roma llactapi huaquin huauquipanicunaca ‘paicunapa vijsapalla [o munaicunatalla] rurashpa causanajushpami’ huarmihuan jarihuan cana munaicunatalla, micunatalla o imapash shuj cosascunatara paicunapa causaipi pundapi churanajurca (Rom. 16:17, 18; Filip. 3:18, 19; Jud. 4, 8, 12). Corinto congregacionbicarin, shuj huauquica paipa taitapa huarmihuanllata juchapi urmashpami pinganaita causajurca (Rom. 8:5, 6; 1 Cor. 5:1). Apóstol Pablo advirtishca shimicunaca cunanbipashmi ali can. w16.12 2:5, 8, 9

Confianzata charishca huauquihuan o panihuan ñucanchi imashina sintirijushcata tucuita parlanami ama ninanda llaquirishpa musparijuchun ayudan. Shinaca cusahuan o huarmihuan, shuj ali amigohuan o shuj ancianohuan parlanami ñucanchi imamanda shina sintirijushcata intindichun ayudai ushan. Bibliapica ninmi: “Ali yuyaita pipash na cujpica, yuyaicunaca llaquimi tucun. Ashtahuangarin ali yuyaita taucacuna cujpimi, shinllipacha tucun” nishpa (Prov. 15:22). Ñucanchi tandanajuicunapashmi ayudan. Cada semana ñucanchi huauquipanicunahuan tandanajuicunapi cajpimi paicunaca ñucanchita ayudaita, animaitapash ushanga (Heb. 10:24, 25). ‘Shujmanda shujmanda yarichirishpa’ animarishpaca ashtahuan shinlli tucushpa ama yapata llaquirijuchunmi ayudanga (Rom. 1:12). w16.12 3:17, 18

Ñucanchicunaca imapash ungüita charishpa o imapash llaquipi cashpa na imatapash rurai ushashpaca, tucui ñucanchi preocupaciongunatami Jehovapa maquipi saquishpa pai ayudanata confiana canchi (1 Ped. 5:6, 7). Shinallata tandanajuicunapi yachachishcacunata, Jehovapa organización cushca shuj ayudacunatapash ali aprovechangapami esforzarina canchi (Heb. 10:24, 25). Jehovata ali sirvinajuj taitamamacunaca paicunapa huahuacuna Jehovata sirvinata saquijpica profeta Samuelpa ejemplotami cati ushan. Samuelca paipa churicuna munai na munai Jehovata ali sirvishpa catichunga na obligai usharcachu (1 Sam. 8:1-3). Jehovapa maquipi saquishpami Samuelca Jehovata tucuipi cazushpa, Jehovapa munaita pactachishpa catingapaj esforzarirca (Prov. 27:11). Cunan punllacunapi ashtaca taitamamacunapami Jesuspa chimbapuraita yarishpami, juchayucuna arripintirijpi Jehová Dios perdonangapaj shuyajujta confiana can (Luc. 15:20). Chaicamanga Jehovata tucuipi cazushpa catingapami taitamamacunaca esforzarin. Shinallata, paicunapa ali ejemplota ricushpa huahuacuna congregacionman tigrachunmi munan. w17.01 1:15, 16

Humildecunaca na tucuita rurai ushashcata intindishpami na tucuita ari nin, pandarishpapash pandarishcanimi nin. Shujcunapa yuyaicunatapash ali uyashpami, paicuna imata nijtapash yachajungapaj munan. Humildecunataca alicachishpami Jehová Diosca ricun. Bibliapica yachachinmi, humildecunaca imata na rurai ushashcata paicunallata cuenta japishpami, imatapash rurangapaj na autoridadta charishcata intindin nishpa. Shinami humildecunaca shujcunatapash respetashpa ali tratai ushan. Na cuidadota charishpaca ñucanchipashmi jariyashpa imacunatapash rurai callarinchiman o yuyai callarinchiman. Chaimanda pensaripai. ¿Congregacionbi responsabilidadcunata charimanda, o ñucanchi rijsishcacuna congregacionbi responsabilidadta charijpichu importante sintiri callarishcanchi? (Rom. 12:16). Cutin huaquinbica ¿shujcuna ñucanchita alicachishpa ricuchunllu imatapash rurai callarishcanchi? (1 Tim. 2:9, 10). Huaquinbicarin ¿shujcunata mandanshnachu paicuna imata ruranata ni callarishcanchi? (1 Cor. 4:6). w17.01 3:6-8

Cunan punllacunapica ali villaicunata villachinaca ashtahuanmi mirajun. Jehovapa organizacionbash shuj shuj gentecuna ali villaicunata uyachunmi mushuj aparatocuna tiashcata aprovechan. Shinapash mayorlla huauquicunapaca mushuj cosascunata yachajunaca shinllimi can (Luc. 5:39). Chaimandami mayorlla huauquicunaca jovenlla huauquicuna ashtahuan responsabilidadcunata pactachichun yachachina can (Sal. 71:18). Huaquinbica chaita ruranaca shinllimi can. Huaquin huauquicunaca paicuna alicachishca responsabilidadcunata saquinami cani yashpa, o shujcunami ñuca alicachishca responsabilidadcunataca ruranga yashpami ashtacata llaquirin. Huaquinbicarin, paicuna pactachijushca responsabilidadcunataca shujcunaca na ali pactachi ushangachu yashpami preocuparin. Cutin huaquinbica shujcunata yachachingapaca na tiempota charinichu yanmi. Jovenllacunapash paicunaman shuj responsabilidadcunata na cujpica, na yapata preocuparijunachu can. w17.01 5:3, 4

Jesusca Adanshnallata jucha illajmi nacirirca (Juan 1:14). Shinapash ¿imamandata Jesusca na Adanshnalla carca? Jesusca jatun llaquicunata charishpapash, tucuipimi Jehová Diosta cazurca. Shinami Jesusca ricuchirca, jucha illaj runaca Jehová Dios munashca shina tucuipi cazunalla cashcata. Paipa jucha illaj causaita cushpami Jesusca juchamandapash huañuimandapash ñucanchitaca salvarca. Adanga Jehová Diosmanda na caruyashpa, tucuipimi Jehovata cazuna carca. Shinapash chaitaca na rurarcachu. Cutin Jesusca Jehovamanda na caruyashpa, tucuipimi Jehovata cazurca (1 Tim. 2:6). Jesusca paipa causaita cushpami tucuicunaman para siempre causana oportunidadta curca (Mat. 20:28). Imashinami ricupanchi, Jehová Diospa munai pactarichunga, Jesús paipa causaita cunami minishtirishcapacha cashca (2 Cor. 1:19, 20). w17.02 1:15, 16

Pensaripai. Shuj shitashca ñanda rijujpi canba carro huaglishcanman. Arreglangapaj munashpapash na ushashcanguiman. Carro mecanicopash chai ladollapica na tianllu. Shinapash shuj rijsi mecánico ashaguta chaiman causajta yarishpa, carrotaca tangashpa arreglachun apashcanguiman. Ñucanchipa causaipash huaquinbica shinallatami can. Jatun llaquicuna shamujpimi ashtacata preocuparinchi. Jesuspash paita jatun racu caspipi clavashpa pinganaita huañuchinajujpica ninandapachami llaquirishcanga. Shinapash Taita Diospa shutita tucui llullacunamanda limpianamanda, Jehová Dioslla mandachun apoyajushcata ricuchinamanda jahua cielopi para siempre causana bendicionda chasquinamandami llaquicunataca aguantarca (Hebreos 12:3). Shinaca jatun llaquicunapi cashpaca Jesuspa ejemplota catishpa llaquicuna tucurinata, shamuj punllacunapi bendicionguna tianata yaipi charishpa aguantapashunchi. w16.04 2:10

Cunanbi ashtaca gentecunaca, juchata rurashpapash Jesús paicunata salvachun minishtishcataca na intindinllu. Shinapash, Testigocunahuan parlashpami huaquingunaca jucha ima cashcata, juchamanda ima pasashcata, juchapi ama urmangapaj imata ruranata yachajun. Ali shungu gentecunaca Jehová Dios paipa shujlla Churita cushcataca agradicinmi Ashtahuangarin, Jehová Dios ñucanchita llaquishpa jahuan jahuan carashcamandalla shina ayudashcatami yachajun (Juan 4:9, 10). Jehová Diosca paipa Churipa causaita cushpami ñucanchita llaquishpa jahuan jahuan carashcata, ñucanchita ashtacata juyashcata ricuchirca. Jesús paipa causaita cushcapi feta churajpillami Jehová Diosca juchacunamanda perdonan, shuj limpio concienciata charichunbash ayudan (Heb. 9:14). Chai ali villaicunataca tucui gentecunamanmi parlana canchi? w16.07 4:6, 7

Jehová Diosca nishcami, Jesús paipa causaita cushcata crijpimi cangunapa juchacunata ‘cungasha’ nishpa (Hech. 3:19-21). Jesús paipa causaita cushcamandami, Jehová Diosca ungidocunataca paipa huahuacunatashna chasquishpa, jahua pachapi causachun saquin (Rom. 8:15-17). Cutin ‘shuj llamagucuna’ nishcacunataca cai Alpapi Jehová Diospa familia cuenda cachunmi munan. Paicunaca jucha illaj tucushca jipami, Jehovata tucuipi cazushcata cutin ricuchinga. Tucuipi cazujpimi Jehová Diosca paipa huahuacunatashna chasquinga (Rom. 8:20, 21; Apoc. 20:7-9). Jehová Diosca siempremi paipa tucuilla huahuacunata juyanga. Ashtahuangarin, Jesús paipa causaita cushcamandami ashtaca bendiciongunata unai unaicaman chasquishpa catishun. Paipa Churipa causaita cushpami Jehová Diosca shuj valishca regalotashna ñucanchimanga cushca. Chaitaca pipash quichuitaca na ushangachu. w17.02 2:15, 16

Ñucanchicuna juchayu cashcamanda imapipash pandarinataca alimi Jehová Diosca yacharca. Shinapash Jehová Diosca paipa amigo tucuchunmi munarca. Jehová Diosca ñucanchita ashtacata juyaimandami, paipa Churi Jesustaca ñucanchipa juchacunamanda huañuchun cachamurca (Juan 3:16). Chaimandami imapipash pandarishpaca perdonahuai nishpa Jehovataca mañana canchi. Jehová Diosca Jesús paipa causaita cushcamandami ñucanchitaca perdonashpa paipa ali amigocuna cashpa catichun saquin (1 Tim. 1:15). w16.05 4:6, 7