Reycunapa punllacunamanda, Jerusalén llactata cutin shayachishca punllacunacaman

Cai partepa historiacunaca más o menos 600 huatacunapi ima pasashcatami ricuchin. Rey Saulpa churi Jonatanmanda parlashpami callaripashun. Chai jipaca Davidmandami parlagripanchi. Davidmi Israel llactapa reycunamandaca Jehová Diosta ali sirvij primer rey carca. Shinallata israelitacuna Babiloniamanda tigrashpa Jerusalén llactata cutin shayachishcata parlashpami tucuchigripanchi. Ashtahuangarin Abigailpa, Natanba, Eliaspa, Danielpa, Esterpa, Nehemiaspa y shuj jari y huarmicunapa ejemplocunamandami yachajupashun. Paicunaca na manllaj cashcatami ricuchirca. Por ejemplo, huaquingunaca reycuna cashpami Jehová Diosta na cazuj gentecunata mandana tucurca. Shujcunaca paicunapa reycuna Jehová Diosta na cazujpipashmi Jehová Diosta cazushpa causarca. Shujcunacarin israelitacuna yanga dioscunata adorajpi, nali cosascunata rurajpimi consejarca.