Juyailla tratadocuna
1. ¿Maijan publicaciongunata cambiocunata rurashcamandaca juyaillagucuna ricurin?
1 Huata 2013pi, “Diospa Shimica napacha llullanllu” nishca Quimsa Punlla Jatun Tandanajuipica picha mushuj tratadocunami llujshirca. Chai jipallami Noticias del Reino número 38 ¿Huañushca gentecunaca cutin causaringacha? nishca tratadopash llujshirca. Cai 6 mushuj tratadocunapica huaquin cambiocunami ricurin. Juyailla tradocunami can. ¿Imamandata huaquin cambiocunata rurashca? Huasin huasin villachinajushpaca ¿imashinata cai tratadocunata ali utilizai ushapanchi?
2. Mushuj tratadocunaca ¿imapata ayudanga?
2 ¿Imamandata huaquin cambiocunata rurashca? Huasin huasin villachijushpaca cai chuscu cosascunata ruranami ali can: 1) Imata yuyajta yachangapaca shuj ali tapuitami rurana canchi. 2) Biblia imata nijtami ricuchina canchi. 3) Shuj publicacionda liichunmi saquina canchi. 4) Shuj punlla tigrashpa yachachingapami shuj tapuita rurana canchi. Ima punlla ima horas tigrangapajpash arreglocunata ruranami canchi. Mushuj tratadocunaca cai chuscu cosascunata catishpa villachichunmi ayudanga.
3. Mushuj tratadocunata saquingapaca ¿imatata rurana capanchi?
3 ¿Imashinata utilizana capanchi? Saludashca jipaca caitami rurai ushanchi: 1) Punda paginapi tiajuj tapuita rurashcandimi, chai página urapi tiajuj quimsa yuyaicunatapash uyachishpa, imata pensajta nichun shuyana canchi. 2) Tratadota pascashpa Bibliaca ninmi partemanda parlana canchi. Jipaca Bibliapillatami textocunata lii ushanchi. Tiempota charijpica Bibliaca ayudanmi nishca partetami yachachinalla canchi. 3) Tratadota saquishpaca jipaman liichunmi animana canchi. 4) Último paginapi Tapuripai nishca partepi tapuita rurashpami shuj punlla tigrashpa Bibliahuan yachachingapaj arreglocunata rurana canchi.
4. Revisitacunata rurangapaca ¿imashinata mushuj tratadocunataca utilizana capanchi?
4 Revisitacunata rurangapajpash facilmi can. Chaishuj viaje saquishca tapuita yachachingapaca último paginapi tiajuj textocunatallatami utilizana canchi. Jipaca Taita Diosmanda ali villaigucuna nishca folletopa fototami tratadopi ricuchina canchi. Chai folletohuanmi saquishca tratadopa temamandallata yachachita ushanchi. Jipaca folletota saquishunchi. Folletota japijpica shuj punlla tigrashpa liingapami arreglocunata rurana canchi. Bibliamanda yachachi callaringapaca shina ruranami minishtirin. Folletota saquinapa randica, chaishuj tratadocunatapash saquishpa cutin tigrashpa yachachinallami canchi.
5. Huasin huasin villachingapaca ¿imamandata tratadocunaca ali cashca?
5 Villachingapaca ñami 130 huatacunata tratadocunata utilizanajushcanchi. Tradocunaca uchila, jatun o shuj shuj cambiocunatami charishca. Imashina cashpapash huasin huasin villachingapaca ninandami ayudashca. Shinaca ashtahuan gentecunaman Bibliamanda yachachingapaca cai mushuj tratadocunata ali utilizapashunchi (Prov. 15:7a).