Ali villaigucuna nishca folletohuan yachachishunchi
1. Ali villaigucuna nishca folletoca ¿imashina rurashcata can?
1 Julio quillapa Diosmanda Villashunchi hojapica, Taita Diosmanda ali villaigucuna nishca folletopash gentecunaman Bibliata yachachingapaj ali cashcatami ricuchirca. Chai folletopica, Bibliamanda textocunaca na copiashcachu can. Yachajujcuna paicunallata Bibliapi mascashpa liichunmi shina rurashca can. Casi tucui ñucanchi publicaciongunami gentecunallata liishpa yachajuchun rurashca can. Shinapash, Ali villaigucuna folletoca shuj publicador yachachichun rurashcami can. Chaimandami chai folletota saquijushpaca, imashina Bibliamanda yachajunata ricuchina can. Shinami, ashtahuan yachajuna munaita charinga (Mat. 13:44).
2. ¿Imashinata punda visitapillata Ali villaigucuna nishca folletotaca utilizai ushapanchi?
2 Punda visitapi. Cashna ni ushapangui: “Ashtaca gentecunaca noticiapi nalicunatalla ricushpami shamuj punllacunapica imashinashi causashun nin. Shina causaica ¿ima horapash tucuringacha? [Contestachun saquipangui.] Shuj punlla ali causai tianatami Bibliapica villan. Cai folletomi huaquin tapuicunata Bibliahuan alipacha yachachin” nishpa. Folletota cushpa último paginamanda maijan tapuitata yachajungapaj munapangui nishpa tapupangui. Maijan tapuita agllajpipash, chai leccionba punda parrafota utilizashpa Bibliata imashina yachajunata ricuchipangui. Na cashpaca, quiquin agllashca tapuita Bibliahuan contestangapaj chai folleto imashina ayudajta ricuchipangui. Chai folletopa maijan temamandapash jw.org paginapi shuj video tiajpica ricuchinallami can.
3. Ali villaigucuna folletohuanga ¿imashinata yachachina can?
3 ¿Imashinata cai folletohuanga yachachishun? 1) Imata yachajushcata yaipi charichunga, primeroca yanalla letracunapi tapuitami liina can. 2) Parrafotami liina can. 3) Liipangui nishca textocunatami liina can. Yanalla letracunapi tapuita Bibliahuan contestachunga aliguta pensarishpami shuj tapuicunatapash rurana can. 4) Shuj tapuipallata ashtahuan parrafocuna tiajpica, punto 2, 3pi yuyaicunata catishpami yachachina can. Chai tapuita contestangapaj shuj video tiajpi nara ricuchishca cashpaca, videota ricuchinallami can. 5) Tapuita contestachun mañapangui. Shinami chai tapuita intindishcata yachashun.
4. Ali villaigucuna folletohuan aliguta villachingapaca ¿imata ayudanga?
4 Ali villaigucuna folletota ali utilizanata yachajushpami ima horapash utilizanalla canchi. Nara yachachingapaj rishpallatami yachajujcunata imashina ayudanata, folletopi yachajushca textocunahuan imashina ayudanatapash aliguta pensarina canchi (Prov. 15:28; Hech. 17:2, 3). Chai folletota ali utilizashpa aliguta yachachinata yachajushpaca, chai folletohuan ashtahuan yachachingapami munashun.