JESUSPA CHAQUITA CATISHPA CAUSASHUNCHI

Cushilla causapashunchi: Mushuj yuyaicunata utilizashpa Bibliamanda yachachipashunchi

Gentecunata Bibliamanda yachachingapaj mushuj librota y folletota charishcamandaca ninandami cushijupanchi. Caicunahuan ashtahuan discipulocunata rurangapaj ayudahuangui nishpami Jehovataca mañapanchi (Mt 28:18-20; 1Co 3:6-9). Cai mushuj publicaciongunataca ¿imashinata utilizai ushapanchi?

Cunanga Bibliamanda yachachijushpaca randimanda parlarishpami yachachina can. Bibliamanda yachachigrijushpaca aliguta prepararishpa cai sugerenciacunata catipangui:a

Cada leccionda liishpami tapuicunata rurana can.
Liina textocunata liishpa quiquinba estudianteta textota ali intindichun ayudapangui.
Videocunata ricuchishpa chai videomanda tapuicunata rurapangui.
Usharijpica tucui leccionda yachachipangui.

Villachijushpaca gentecuna Bibliamanda yachajungapaj deberas munashcata yachangapaca primeroca folletotarami saquina capanchi (Cushilla causapashunchi folletohuanga ¿imashinata parlai callarita ushapanchi? nishca recuadrota cai hojapa página 16pi ricupangui). Folleto enterota ña estudiashca jipapash ashtahuan Bibliamanda yachajungapaj munajpica Cushilla causapashunchi librohuanmi yachachishpa catina can. Chai librohuan yachachigrijushpaca lección 4manda yachachi callaripangui. Shinapash shuj publicacionhuan Bibliamanda ña yachachijushpapash, chai publicacionda saquishpami Cushilla causapashunchi nishca librohuan yachachi callarina can. Shinapash cai librohuan yachachigrijushpaca Bibliamanda yachachidormi maijan lecciomanda callarinataca ricuna can.

Chai cusahuarmica chai jovenda huasipi Bibliamanda yachachishpami “Cushilla causapashunchi” nishca folletota utilizanajun.

CUSHILLA CAUSAPASHUNCHI NISHCA LIBROHUAN BIBLIATA YACHAJUPAI NISHCA VIDEOTA RICUSHCA JIPACA, CAI TAPUICUNATA CONTESTAPANGUI:

Estudianteca cai mushuj libromandaca ¿imatata yachajuita ushanga?
Mushuj estudiantecunataca ¿imamandata cai videotaca ricuchina capanchi?
Estudiantecunataca ¿imata rurachunda animana capanchi? (“Cada leccionba ashtahuan importante yuyaicuna y estudiantecuna pactachichun” página 16pa recuadrota ricupangui).

a NOTA: Cada leccionba tucui partecunatami aliguta prepararina can. Shinallata “Caitapash ricupai” nishca parteta estudiantecunahuan ricunata o na ricunata quiquinmi ricuna capangui. Shinami estudiantecuna imata ashtahuan yachajungapaj munashcata, imapi ayudai ushashcatapash yachapashun. Cada leccionbimi videocunata ricungapaj jw.org paginaman enlacecuna tian. Shinallata ashtahuan informacionbashmi tian.

CADA LECCIONBA ASHTAHUAN IMPORTANTE YUYAICUNA Y ESTUDIANTECUNA PACTACHICHUN
	LECCIONGUNA	IMPORTANTE YUYAICUNA	ESTUDIANTECUNA PACTACHICHUN
1	1-12	Biblia imashna ñucanchita ayudai ushashcata y Taita Diosta imashna rijsi ushashcatami yachajupashun.	Bibliata liichun, estudiangapaj prepararichun y reuniongunamanbash shamuchun.
2S	13-33	Taita Dios ñucanchimanda pai imata rurashcata y paita imashna adorai ushashcatapashmi yachajupashun.	Estudiantecuna villachichun y publicador tucuchun.
3	34-47	Taita Diosca paipa sirvijcunata imata rurachun mandashcatami yachajupashun.	Estudiantecuna bautizarichun.
4	48-60	Taita Diosta juyashpa catingapaj imata ashtahuan rurana cashcatami yachajupashun.	Estudiantecunallata ima ali, ima nali cajta ricushpa Jehová Diosta ashtahuan sirvishpa catichun.