LECCIÓN 2
¿Imamandata testigo de Jehová shutita charipanchi?
Noé
Abrahán y Sara
Moisés
Jesús
Gentecunaca yuyanmi, testigo de Jehovacunaca chairalla religión cajta. Shinapash 2.700 yali huatacuna huashamanllatami Diosca paita ali sirvijcunataca nirca, ‘ñucamanda villaj [testigocunami, NM ] canguichi’ nishpa (Isaías 43:10-12). Huata 1931camanga Bibliamanda Yachajujcuna nishpami ñucanchitaca rijsirca. Shinaca ¿imamandata testigo de Jehová shutita agllarcanchi?
Tauca Bibliacunapica Diospa shutita churanapa randica, Taita Dios o Mandaj Dios nishpallami churashca. Shinapash callaripi Diospa Shimita escribinajushpaca casi 7 mil viajetami Jehová shutitaca Bibliapi churarca. Diosca Moisesmanga nircami, Jehová shutimi cani, chaimi “causaita causaicaman ñuca shuti canga” nishpa (Éxodo 3:15, NM ). Shinami yanga dioscunahuan na igual cashcata ricuchirca. Ñucanchica Jehovapa shutita charishcamandami ninanda cushijupanchi.
Imata ruranajushcata ricuchingapaj. Diosta ali sirvij Abelmanda callarishpami Jehová ‘Diospi alipacha crishcataca ashtacacuna ricuchishca’. Paicunapurapica Noé, Abrahán, Sara, Moisés, Davidpashmi can (Hebreos 11:4–12:1). Imashinami Juezpa ñaupajpi cashpaca, pimandapash imata yachashcata tucuita villanchiman, shinallatami Taita Dios Jehovamadaca tucuita villangapaj munapanchi.
Jesuspa ejemplota catingapaj. Bibliapica ninmi, Jesusca ‘ricushcatapacha, imashina cajtapacha na llullashpa villaj [testigomi, NM ]’ can nishpa (Apocalipsis 3:14). Jesusllatami nirca, Taita Diospa shutita rijsichingapaj, Diosmanda ‘na llullashpa villangapami’ cai Alpaman shamurcani nishpa (Juan 17:26; 18:37). Jesusta ali catijcunaca Diospa shuti Jehovatami shujcunaman rijsichina can. Chaimandami, testigo de Jehovacunaca Diospa shutita rijsichingapaj esforzaripanchi.
Jehová Diosca ¿ima tiempomandata cai Alpapi testigocunata charishca?
¿Imamandata testigo de Jehová shutita agllarcanchi?
¿Pita ashtahuan rijsishca Testigo can?