¿Ima punllapash llaquilla causaica tucuringacha?

BIBLIACA NINMI

‘Taita Diosmi paicunapa ñavimandaca tucuilla viquita fichanga. Huañuipash huacaipash llaquipash nanaipash na ashtahuan tiangachu’ nishpa. (Apocalipsis 21:​3, 4, Biblia en Quichua de Imbabura.)

BIBLIAPICA YACHACHINMI

Ñucanchi llaquicunata Dios na cachamujta (Job 34:10).

Ñucanchi llaquilla cajpi Diospash llaquirijta (Zacarías 2:8).

Jipa punllacunapi ima llaquicunapash ñana tianata (Salmo 37:​9-11).

¿IMAMANDATA BIBLIAPI CRINA CAPANCHI?

Ishcai yuyaicunata ricupashun:

• Llaquichijcunataca Diosca na ricunayachinllu. Ñaupa tiempopi paipa llactata llaquichijpica ¿imashinashi Jehová Diosca sintirirca? Bibliapica ninmi, paipa llactata shuj llactacuna ‘ninanda llaquichijpimi Diosca ninandapacha llaquirirca’ nishpa (Jueces 2:​18).

  Shujcunata llaquichij gentecunataca Diosca ricuitallapash na ricunayachinllu. Bibliapica ninmi: “Huañuchishpa yahuarta jichajtami ninanda millanayachin” nishpa (Proverbios 6:​16, 17).

• Diosca cada unomandami preocuparin. “Ninan llaquihuan, nanaihuan” ñuca cajtaca pipash na yachanllu yajpipash Jehová Diosca tucuitami yachan (2 Crónicas 6:​29, 30).

  Jehová Diosca ñallami gulpi gentecunapa llaquicunata tucuchinga (Mateo 6:​9, 10). Chaicamanga, Diosca paita sirvijcunataca cushilla causachunmi ayudajun (Isaías 55:6; 2 Corintios 1:​3, 4).