¿Huañushca gentecunaca cutin causaringacha?
Causaringami.
Na causaringachu.
¿Na yachapanichu nipanguimanllu?
BIBLIACA NINMI
‘Huañushcacunataca Taita Diosmi causachinga’ nishpa. (Hechos 24:15, Biblia en Quichua de Imbabura.)
BIBLIACA AYUDANMI
Familiacuna, rijsicuna huañujpipash ama yapata llaquirichun (2 Corintios 1:3, 4).
Huañuita ama manllachun (Hebreos 2:15).
Huañushca familiacuna, rijsicuna cutin causarinata crishpa causachun (Juan 5:28, 29).
¿IMAMANDATA BIBLIAPI CRINA CAPANCHI?
Quimsa yuyaicunata ricupashun:
Diosmi causaita cun. Bibliapica, “Causaita cuj” Dios nishpami Jehovataca nin (Salmo 36:9; Hechos 17:24, 25). Diosca gentecunatapash animalcunatapash rurangapami poderta charirca. Shinaca huañushcacunata causachinatacarin ushangami.
Diosca gentecunata ñami causachirca. Bibliapica 8 gentecunata Dios causachishcatami parlan. Chaipica shuj shuj edadta charij jaricunata, huarmicunata causachishcatami ricuchin. Shuj viajecarin ña chuscu punllacunata huañushca jaritami causachirca (Juan 11:39-44).
Diosca huañushcacunata causachingapami munan. Jehová Diosca huañuitaca na ricunayachinllu. Chaimandami huañushcacunata causachishpa huañuitaca tucuchinga (1 Corintios 15:26). Paipa yuyaipi caj gentecuna causarishpa cai Alpapi cutin causachunmi Diosca munan (Job 14:14, 15).
TAPURIPAI
¿Imamandashi rucuyapanchi, huañuitapash huañunchi?
Bibliapi ima nijta ricupai GÉNESIS 3:17-19; ROMANOS 5:12.