Diospa Reinoca ¿imata can?

BIBLIACA NINMI

Taita Dios cai pachapi tiaj tucui llactacunata mandana punllami pactarishca. Chaipimi Diospaj Churica, causaita causaicaman mandanga nishpa. (Apocalipsis 11:15, Biblia en Quichua de Imbabura.)

‘Shuj churigutami ñucanchiman caramushca. Mandanataca paipa maquipimi churashca’ nishpa. (Isaías 9:6).

BIBLIAPICA YACHACHINMI

• Dios mandajushpaca tucui gentecunatami ayudanga (Isaías 48:17, 18).

• Cai Alpa juyailla paraiso tucujpimi nanai illaj, cushilla causanajushun (Apocalipsis 21:3, 4).

¿IMAMANDATA BIBLIAPI CRINA CAPANCHI?

Ishcai yuyaicunata ricupashun:

• Diospa Reino imashina canatami Jesusca ricuchirca. Chaimandami Jesusca paipa catijcunataca Diospa Reino chayamuchun, cai alpapi Diospa munai pactarichunbash mañaichi nishpa yachachirca (Mateo 6:9, 10). Chai mañashcacuna imashina pactarinatapashmi ricuchirca.

  Jesús cai alpapi cashpaca, milagrocunata rurashpami, gentecunaman micuchirca, ungushcacunata jambirca, huañushcacunatapash causachirca (Mateo 15:29-38; Juan 11:38-44). Diospa Reinopi Jesús mandana cashpami, juyailla bendicionguna tianatapash ricuchirca (Apocalipsis 11:15).

• Mundo enteropi ima pasajujta ricushpami Diospa Reino ña chayamujujta cuenta japinchi. Jesusca nircami, Diospa Reino ña chayamujujpica, mundo enteropimi jatun macanajuicuna, ninan yarjaicuna, alpa chujchuicunapash tianga nishpa (Mateo 24:3, 7).

  Cunanbimi chai llaquicunataca ña ricunajupanchi. Chaimandami, Taita Diospa Reino llaquicunata ñalla tucuchinataca crina capanchi.