Israel llactaca ishcaipimi separarirca

Rey Salomón Jehová Diosta ali adorajujpica, Israel llactaca tranquilomi causajurca. Shinapash Salomonga shuj llactacunamanda ashtaca huarmicunahuanmi cazararca. Chai huarmicunaca yanga dioscunatami adoran carca. Chaimi Salomonga asha asha Jehovamanda caruyashpa, paipash yanga dioscunata adorai callarirca. Chaimandami Jehová Diosca ninanda fiñarishpa Salomondaca cashna nirca: ‘Can mandajushcataca quichushpa’ ishcaipimi separasha. Shinapash ‘na tucuillata quichushachu’ Israelmanda tauca llactacunataca ‘canda sirvijmanmi cusha’. Cutin canba familiapuramanda mandachunga ishcai llactacunatallami cusha nishpa.

Imata ningapaj munashcata tucuicuna ali intindichunga Jehová Diosca ¿imatata rurarca? ‘Jeroboán runaca, Jerusalenmanda Ilujshishpa ñanda rijushpami, profeta Ahíya shuti runaguhuan tuparirca’. ‘Chaipimi Ahíya runaguca paipa jahualla quilparishca mushuj churajunata Ilujchishpa 12 pedazopi liquirca. Chashna liquishpami, Jeroboán runataca: Cai 10 pedazocunataca can japi, porque 10 aillucunatalla mandagringui’ nirca. ‘Chaita yachashpami Salomonga Jeroboandaca huañuchingapaj munarca. Chaimi Jeroboanga Salomón huañungacaman Egipto llactapi pacajushpa causangapaj rirca’. Salomón huañujpica paipa churi Rehoboammi mandai callarirca. Chaimi Jeroboanga ñana huañuchingachu yashpa Israelman cutin tigrarca.

Chai jipaca Israel llactamanda ancianocunaca Rehoboamdaca: ‘Cai gentecunata sirvishpa juyailla shimicunahuan parlajpica paicunapash, paicunapa tucui causaipimi canda sirvishpa causanga’ nircami. Shinapash Rehoboamba joven amigocunaca: Gentecunataca ninandami llaquichina cangui. Imacunatapash ashtahuan shinllimi trabajachina cangui nirca. Chaimi Rehoboam runaca paipa amigocunata cazushpa gentecunataca ninanda llaquichirca. Chaimi gentecunaca Rehoboamba contra shayarishpa paipa randi Israelmanda 10 llactacunapi Jeroboán mandachun churarca. Chai 10 llactacunataca Israel llactacuna nishpami rijsi callarirca. Cutin ishcai llactacunataca Judá llactacuna nishpami rijsi callarirca. Judá llactamanda gentecunaca Rehoboamba lado tucushpami causarca. Shinami Israel llactapa 12 familiacunaca separarirca.

Jerusalén llactaca Rehoboam mandajuj pushtupimi carca. Jeroboanga pai mandajuj llactacunamanda gentecuna Jerusalenman rishpa Jehová Diosta adorachunga na munarcachu. ¿Imamandata chaiman richunga na munarca? Jeroboanga, gentecuna chaiman rishpaca paita ñana cazushpa, Rehoboam runatara cazunga yashpami ninanda manllajurca. Chaimandami “orota rurashca ishcai shicucunata rurashpa, israelcunataca: Cangunaca, ashtacacunami Jerusalenman vichai rinajunguichi. Ricuichi, cangunapaj dioscunaca caipimi” nirca. Gentecunaca Jeroboanda cazushpami Jehová Diostaca cutin cungarca.