Shinlli cajpipashmi Taita Diosta cazurca

ABRAHÁN runaguca alimanda purishpa rishpapash Jehová Dios maiman ri nishcamanmi rijurca. Huaquin punllacunatalla purina cashpapash chai viajeca paipa causaitami cambiagrijurca. Chaimi chaita ruranaca Abrahanbaca difícil carca.

Abrahán runaguca Jehová Dios mañashcataca yariami rijurca. Jehová Diosca: “Por favor, canba churita, can ninanda juyashca único churi Isaacta apashpa, Moria shuti pushtuman ri. Chaipica ñuca ricuchishca urcupimi, Isaactaca rupachishca ofrendatashna ñucaman cuna cahuangui” nishcarcami. Jehová Diosca Abrahán paipa churi Isaacta ninanda juyajtaca alimi yacharca. Chaita yachashpapash Jehová Diosca ¿imamandata chaita rurachun mandarca? Abrahán runaguca Jehová Dios mandashcata rurangapaca ¿maimandata fuerzata llujchirca?

Bibliapica Abrahán Taita Diospi tucui shunguhuan crishcacunapa taita cashcatami nin (Rom. 4:11). Jehová Dios chaita nara mañajpillatami Abrahanga shinlli feta charishcataca ña ricuchishcarca. Abrahandaca Jehová Diosmi ashtahuan shinlli feta charichun ayudashcarca. Ashtaca huatacuna huashamanga Jehová Diosca Sodoma y Gomorrapi causaj nali gentecunata tucuchinatami Abrahanmanga villashcarca. Chaita villajpica Abrahanga ¿imashinata sintirirca? ¿Imatata rurarca? Abrahanga gentecunamanda preocuparimandami Jehová Diostaca: “¿Ciertopachachu alita ruraj gentecunataca nali gentecunahuan igual tucuchigringui?” nishpa tapurca. Shina nijpimi Jehová Diosca pacienciahuan Abrahanmanga cashna nirca: “Ashallapash ali gentecuna tiajpica na tucuchishachu” nishpa villarca (Gén. 18:​16-33). Abrahanga Jehová Dios justo cashcata y gentecunata juyaihuan tratan cashcataca nunca na cungarcachu.

Asha tiempo jipaca Jehová Diosca Abrahanman, Saramanga alipacha bendiciondami cararca. Sara 90 huatacunata y Abrahán 100 huatacunata charijpipashmi Jehová Diosca Sara shuj huahuaguta charichun ayudarca. Chai huahuaguca Isaacmi carca. Chaimi Abrahanga Jehová Diospaca imata ruranapash na difícil cajta yachaj chayarca. Abrahán y Sara mayorllagu caimanda huahuaguta na chari ushajpipash Jehová Diosca paicunapa cuerpota causachinshnami shuj huahuaguta charichun ayudarca (Rom. 4:​18, 19). Jehová rurashca cosascunaca Abrahanba shungupi y yuyaipipashmi quidarca.

Abrahanga 25 huatacuna jipapashmi Jehová Dios imata rurashcata pensarishpandi Moria pushtuman rijushcanga. Chaita yuyaipi charinami Isaac huañujpipash Jehová Dios Isaacta causachingapaj munaita y poderta charishcata seguro cachun Abrahandaca ayudarca (Heb. 11:19). Chaimi Jehová maiman richun mandashcaman rirca.

Jehová ricuchishca pushtuta Abrahán carumanda ricushpaca paipa sirvijcunataca: “Caipi shuyaichi. Ñucapash, ñuca churi Isaacpash chai urcupi sacrificiota rurashpami ishcandi tigramushun” nircami. Isaacca shinlli cashpapash paipa taita paipa maquita huatashpa altarpi churachunmi saquirca. Chai jipaca Abrahanga paipa churi Isaacta shuj sacrificiotashna cungapami cuchillohuan huañuchingapaj listo carca. Chaipipachami shuj angelca: “Abrahán, Abrahán. [...] Huambragutaca ama huañuchichu” nirca. Chaimi Abrahanga paipa churitaca na huañuchirca.

Jipaca Jehová Diosca Abrahandaca shinlli feta charishcamanda y cazushcamandami felicitarca. Abrahán tucuipi Jehová Diosta cazushcamandami Jehová Diosca: “Canmandami mundo enteropi gentecunaca bendiciai tucunga” nishpa ima prometishcataca cutin yarichirca.

Jehová Dios Abrahanman prometishcaca pactarijunrami. Chaimandami para siempre bendiciai tucushun. Abrahanhuan ima pasashcata ricushpaca Jehová Dios paita sirvij gentegucunata salvangapaj imasha sufrishcatami intindinchi. Abrahanga paipa shujlla churiguta Jehová Diosman sacrificiota cuenda cungapaj dispuestomi carca. Jehová Diospashmi cai mundopi gentecunata juyaimanda paipa único churiguta huañuchun cachamungapaj dispuesto carca. Chaimandami tucuicuna shamuj punllacunapica ninanda bendiciai tucupashun (Juan 3:16). Abrahanba ejemplota ricushpaca Jehová Dios ñucanchita ninanda juyashcatami yachajupanchi.

Jehová Diosmanda imata ña yachashcapi pensarishpa, pai imata rurashcapi pensarishpaca Abrahanshnami ñucanchi feta ashtahuan shinlliyachishun. Shinami na manllashpa Jehová Diosta sirvishpa catipashun. Jehová Diosca Abrahandashnaca ñucanchi huahuacunata huañuchichunga na mañangachu. Pitapash chaita rurachunga nunca más ñana mañashcachu. Chaimi tranquilo caita ushapanchi. Jehová Dios imata mañajpipash shinlli feta charishpaca tucuitami cazushun. Shinaca tucui shunguhuan tucuipi cazujpica ñucanchi pensashcatapash yalimi Jehová Diosca ninanda bendicianga.

Bibliapi ima nijta liipai

• Génesis 22:​1-19

• Hebreos 11:​11, 12, 17-19

¿Imatata nipanguiman?

Abrahanga ¿imashinata na manllashcataca ricuchirca?

Ashtahuan informacionda mascapai

1. 1. Abrahán runagu ciertopacha causashcataca ¿imashinata yachapanchi? (g 5/12 18, recuadro; it “Abrahán” párrs. 22, 23). A

   Respuesta

   

Imata yachajushcapi pensaripai

• Jehová Diospa promesacunapi confianaca ¿imashinata ama manllachun Abrahandaca ayudarca? ¿Imashinata ñucanchitapash ayudanga? C

  Respuesta

  

• Sacrificiocunata rurashpami Abrahanshna na manllashcata ricuchita ushapashun. Cai situaciongunapica ¿ima sacrificiocunatallata rurai ushapanchi?

  • Predicana oportunidad ricurijpi (Heb. 13:15).

    Respuesta

  • Ñucanchi charishca cosascunahuan imata ruranata decidishpa (Prov. 3:9).

    Respuesta

  • Ñucanchi huauquipanicuna ayudata minishtinajujta yachashpa (Filip. 4:18).

    Respuesta

• ¿Imashinata Abrahanba ejemplota catishpa na manllashcata ricuchita ushapangui?

  Respuesta

Ima pasashcapi pensaripai

• Cai historiaca Jehová Diosmandaca ¿imatata yachachihuan?

  Respuesta

• Cai historiaca Jehovapa voluntadhuan y Bibliapa temahuanga ¿imatata ricunata charin?

  Respuesta

• Abrahanbash, Isaacpash causarijpica ¿imatata paicunata tapungapaj munaiman?

  Respuesta

Ashtahuan yachajupai

Abrahanhuan ima pasashcata ricupai.

Diosta sirvijcunapa ejemplota catipashunchi: Abrahán, parte 2 (11:10)

Abrahanga ¿imashinata Jehovapa ali amigo tucurca? Quiquinbash ¿imashinata Jehovapa ali amigo tucuita ushapangui?

“Jehová Diospa ‘ali cumbagumi carca’” (w16.02 3-8)