4 ABRAHÁN
Jehovamanda shuj guerrapi primero macanajushca runagumi carca
JEHOVÁ DIOSCA shuj alipacha promesatami paipa amigo Abrahanmanga rurarca. Chai promesahuanga tucui gentecunami ninanda beneficiarina carca. Jehová Diosca Abrahanmanga: “Canga shuj jatun jatun llactami tucungui” nishpami prometirca. Shinallata chai jatun llactamanda gentecuna shuj alipacha pushtupi causana cashcatapashmi ricuchirca (Gén. 12:2; 13:14, 15). Shinapash Diabloca chai jatun llactamanda shuj “huahua” llujshishpa chai huahua paita, paipa nali gobiernota tucuchina cashcataca alimi yacharca (Gén. 3:15). Chaimandami chai promesa ama pactarichunga Diabloca Abrahanda tucuchingapaj munarca.
Diabloca Abrahanda, paipa familiatapashmi atacai callarirca. Chaimandami Abrahanba sobrino Lot runagupash ninanda sufrirca. ¿Imata pasarca? Abrahanga Jehová carasha nishca alpagupi maipi causanataca Lotllata agllachunmi saquishca carca. Lotca shuj ashtahuan ali alpagutami agllarca. Paica Sodoma llactapa ladollapimi causangapaj quidarca. Shinapash chai llactapi “gentecunaca nalipacha nali gentecunami carca. Jehová Diospa ñaupapipash jatun nali pecadocunatami ruran carca” (Gén. 13:8-13). Sodoma llactamanda reyca chuscu cananeo reycunahuanmi tandanajushca carca. Paicunaca Elam llactamanda reyman impuestocunata ñana pagangapaj munaimandami paihuan macanajungapaj paipa contra shayarirca. Shinapimi Elam llactamanda reyca caru caru llactacunamanda quimsa reycunahuan tandanajurca. Paicunaca Sodoma llactamanda reyhuan y paita apoyaj reycunahuan macanajushpami paicunataca misharca. Shina mishashpami paicunapa llactacunaman cutin tigrashpaca ashtaca cosascunata, gentecunatapash apashpa rirca. Lot runaguta, paipa familiatapashmi aparca.
Abrahanga chuscupura tandanajushca shinlli reycunapa soldadocunata atacangapami 318 soldadocunata tandachirca
Abrahanga ¿imatashi rurarca? Talvez Abrahanga: “Lotca chai alpacunata agllashcamandaca paillatami culpata charin” nita ushanmanmi carca. Na cashpaca chai reycunahuan macanajuna cashcamandaca, “Lotta salvangapaj rinaca yapa peligrosomi can” nishpa pensaita ushanmanmi carca. Abrahán runaguca macanajungapaca na soldadochu carca. Chaipa randica caiman chaiman rishpa causaj michij runagumi carca. Shinaca ¿imashinata chuscupura tandanajushca shinlli reycunata, paicunapa soldadocunataca mishanman carcayari? Abrahanga Ur llactamandami llujshishcarca. Ur llactaca Sinar llactamandami carca. Y Lot runaguta salvangapaca Abrahanga Sinar llactamanda reyhuanmi macanajuna carca. Shinaca Abrahanga: “¿Maitashi Sinar llactamanda reyhuanga macanajujusha? Paihuan macanajushpaca Ur llactapi ali causangapaj nunca más ñana tigraita ushashunllu” nishpami pensaita ushanman carca. Shinapash Abrahanga chashna pensanapa randica, chai reycunata mishangapaj Jehová Dios ayudanata seguro caimandami Lotta salvangapaj rirca.
Chai tiempopica Abrahanhuan causajcunaca talvez ñami mil yali gentecuna carianga. Abrahanga macanajungapaj yachajushca 318 jaricunata tandachishpami macanajungapaj prepararirca. Shujcunahuan tandanajushpami Dan llactacaman chayashpa paicunapa contra soldadocunahuan tuparirca. Ña tutayajpica Abrahanga paipa soldadocunata ishcai grupopi separashpami contracunataca atacarca. Contra soldadocunahuan ricujpica Abrahanba soldadocunaca ashallami carca. Shinapash contra soldadocunata mishashpami paicunataca calpachirca. Paicuna calpashpa rijpipash Abrahanga catijurcallami. Contra soldadocunaca Damasco llactamanda jahua ladoman tiashca Hobá llactacamanmi chayarca. Chaiman chayajpimi Abrahanba soldadocunaca paicunataca misharca. Shinami Canaán llactamanda apashca cosascunata y gentecunatapash Abrahanba soldadocunaca recuperarca. Shinami Lot, paipa familiapash cutin libre quidarca.
Jehová Diosca Abrahán na manllashcata, shinlli feta charishcata ricushpaca ¿imatata pensarca? Abrahán Salem llacta ladota yalijujpica Jehová Dios paimanda imata pensashcata ricuchingapaca Melquisedec shuti runagutami utilizarca. Melquisedecca Salem llactamanda rey, Jehová Diospa sacerdotemi carca. Paica Abrahanda Jehová Dios bendiciashcata villangapami paita tuparingapaj llujshirca. Cutin Abrahanga Melquisedechuan tuparishpaca recuperashca ashtahuan ali cosascunamandaca paimanga diezmotami curca. Shinami Abrahanga Jehová Diospa ayudahuanlla contracunata mishai ushashcataca reconocirca.
Shinaca Abrahanga chai guerrapi paillata beneficiaringapaj macanajunapa randica, Jehovapa munaita pactachingapami Jehovapa ayudahuan macanajurca. Bibliapica “Mandaj Diospaj jatun macanajuicunamanda escribishca” libromandami parlan (Núm. 21:14). Talvez chai libropica Abrahanba macanajushcatami primeroca escribirianga. Ashtaca tiempo jipaca Abrahanba miraicunaca Jehová carasha nishca alpacunapimi cananeocunahuanga macanajurca. Y Jehová Diosta cazushpaca cananeocunataca tauca viajecunatami mishai usharca.
Shinapash na cazujpica contracunata mishachunga Jehová Diosca ñana ayudarcachu. Jipamangarin israelitacunaca Jehovapa Churi Mesiastaca na reconocingapaj munarcachu. Chaimandami Jehová Diosca Israel llactataca jichushpa saquirca. Jehová Diosca Israel llactata bendiciashpa catinapa randica, Jesusta catij pai agllashca ungido cristianocunatami bendiciai callarirca. Jesusca paipa catijcunataca, “guerracunapica ñana macanajunachu canguichi” nishpami mandarca (Mat. 26:52). Shinapash Diablohuan, paipa nali yachachishcacunahuan macanajujunshna chaicunapa contra shayarina cashcata, Diablopa contra shayaringapaj na manllana cashcatami ricuchirca.
Bibliapi ima nijta liipai
¿Imatata nipanguiman?
Abrahanga ¿imashinata na manllashcataca ricuchirca?
Ashtahuan informacionda mascapai
1. Cai historia ciertopacha cashcataca ¿imacunapita ricuita ushapanchi? (w89 1/7 5 párr. 4-6 párr. 1).
2. Bibliapi nishcashnaca Sodoma y Gomorra llactacunaca ¿maipishi cashcanga? ¿Imashinata chaita yachai ushapanchi? (it “Mar Salado” párr. 6). A
BestTravelPhotography/iStock via Getty Images Plus
Foto A: Cunan punllacunacamanmi mar Salado o mar Muertopa manñacunapica ashtaca palmeracuna, shuj plantacunapash tian. Sodoma llactaca chai pushtupimi cashcanga.
3. Melquisedec runaguca sacerdotepash, Salem llactamanda reypashmi carca. Salem llactaca ¿maipita carca? (it “Salem”).
4. Melquisedec runaguca ¿imashinata Jesushnalla cashcata ricuchirca? (it “Sumo sacerdote” párrs. 27, 28). B
Dibujo B
Imata yachajushcapi pensaripai
Abrahanga Lotmanga gulpimanda yali ashtahuan ali alpaguta agllachunmi saquirca. Abrahanba ejemplota catingapaca ¿imashinata ñucanchi familiata, huauquipanicunata, shuj gentecunatapash tratana capanchi? C
Foto C
Abrahanga paipa causai peligropi cajpipash paipa sobrino Lotta salvangapaca dispuestomi carca. Chaimandaca ¿imatata yachajupanchi?
¿Imashinata Abrahanba ejemplota catishpa na manllashcata ricuchita ushapangui?
Ima pasashcapi pensaripai
Cai historiaca Jehová Diosmandaca ¿imatata yachachihuan?
Cai historiaca Jehovapa voluntadhuan y Bibliapa temahuanga ¿imatata ricunata charin?
Abrahán y Lot causarijpica ¿imatata paicunata tapungapaj munaiman?
Ashtahuan yachajupai
Abrahán imashina Jehová Diospi tucui shungu confiashcata ricupai.
Diosta sirvijcunapa ejemplota catipashunchi: Abrahán, parte 1 (10:43)
Ur llactamanda nara llujshishpallata ¿imashinata Abrahán runaguca na manllashcata ricuchirca?