Cuerpo Gobernantepi Sirvij Mushuj Huauqui

MIÉRCOLES 24 de enero de 2018 punllapica Estados Unidos, Canadá llactacunapi Betelcunapi sirvij huauquipanicunamanga, Kenneth Cook huauquica Cuerpo Gobernantepi sirvij mushuj huauquimi cagrin nishpa villarca.

Cook huauquica (Estados Unidos) Pensilvania llactapimi nacirirca, viñaitapash chaipi viñarca. Chai huauquica universidadmanda ña graduagrigrijushpami paipa cumbamanda Bibliata yachajui callarirca. Paica 7 de junio de 1980 huatapimi bautizarirca. 1 de septiembre de 1982 huatapimi precursor regular shina sirvi callarirca. Ishcai huatacuna jipaca Betelpi sirvichunmi invitarca. 12 de octubre de 1984 huatapimi Wallkill (Nueva York) Betelpi sirvi callarirca.

25 huatacunatami publicaciongunata imprimishpa, Oficina de Betel nishcapipash Cook huauquica ayudarca. 1996 huatapimi Jamie paniguhuan cazararca. Ishcandimi Wallkill Betelpi sirvi callarirca. Diciembre de 2009 huatapica Patterson Betelpi Centro Educativo de la Watchtower nishcapi sirvichun cacharca. Chaipimi Cook huauquitaca Departamento de Correspondencia de Redacción nishcapi ayudachun mandarca. Abril de 2016 huatapica Wallkill Betelman cachashca jipalla Brooklyn Betelpi sirvichunmi Cook huauquita paipa huarmigundi cacharca. 5 quillacuna jipaca Warwick jatun Betelpi sirvichunmi ishcandita cacharca. Cutin enero de 2017 huatapica Cook huauquitaca Comité de Redacción del Cuerpo Gobernante nishcapi sirvichunmi churarca.